Dzindzimo 54
54
Nombelo nya gulombe gulamuledwa ga valala
(1 Samuweli 23:19; 26:1)
Ga muthangeli nya tsawa nya vaembeleli. Khu gitendre. Ndzimo ya Dhavhidhe, a embidego gikhati vazife va ngatago vata embela Sawule, khavo: “Dhavhidhe a ngu ta sihala vbakari gwathu.”
1Nungungulu, nyi vbulugise, khu lina lago,
nyi lamule khu tshivba yago.
2Uwe Nungungulu yingisa nombelo wangu,
neredza dzindzeve dzago u yingisa magana ya kanani gwangu.
3Kholu va nya mayigo va ngu nyi wugela,
va nya wurena va ngu vbweta gu nyi songa;
avo kha va theli kota khu Nungungulu.
4Nungungulu khuye muphasedzeli wangu,
Pfhumu Nungungulu khuye a sayisago womi wangu.
5Uye a na bweledzela guvivba ga vatshanisi vangu;
khu kotani nya gutumbege gwago va mbembisele muphelo.
6Khu gugola gwangu nyi na gu girela miphaso nya dzimhamba;
nyi na rungudza lina lago, uwe Pfhumu Nungungulu,
kholu u lulamide.
7Kholu u nyi vbulugiside sigaradzoni gwatshavbo;
ni maho yangu ma wonide gumbemba gwa valala vangu.
Currently Selected:
Dzindzimo 54: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
