Dzindzimo 51
51
Gudawulela ni gu dzi laya
(2 Samuweli 12:1-15)
Ga muthangeli nya tsawa nya vaembeleli. Ndzimo ya Dhavhidhe, a embidego gikhati a nga ya manwa khu muprofeti Natani na ghohide ni Bheti-Sebha
1Nyi pwele wusiwana, Nungungulu, khu lihaladzo lago;
futa sighoho sangu, khu wuhindzi wago nya wukhongolo.
2Nyi handze gighoho gyangu
nyi agise ga giwono gyangu.
3Kholu nyi ngu siti siwono sangu,
Gighoho gyangu gyomo mbeli gwangu gikhati gyatshavbo.
4 # Wona gambe: Rom 3:4. Nyi ghohede uwe, nyi ghohede uwe basi,
nyi giride esi si nyenyezidego mahoni gwago,
lisine lago u ganelago,
gu lulamide gulamula gwago
tshivba yago ya gu wonega khu gu lamula.
5Kholu eni nyi velegedwe mugighohoni,
mayi wangu khuride mimba yangu nyiri gighohi.#51:5 Esi sa gu tshamusa gu khiso, nyi phede gu wumbwa ndrani ga mayi wangu nyiri gighohi.
6Uwe u ngu gola muthu nya lisine monyoni gwaye,
u ngu nyi hevbudza guti sihaloni nya hefemulo wangu.
7Nyi handze khu sasi, nyi na aga;
nyi handze, nyi na aga ngudzu guvbindra hunguva.
8Nyi gire nyipwa gunengela ni gutsaka,
gasi ma nengele marambo yangu u ma fanyeledzedego.
9Siha khovbe yago u si woni sighoho sangu,
u futa guvivba gwangu gwatshavbo.
10Nungungulu, vega monyo nya wadi ndrani gwangu
u wusedza liphuvbo nya gutiye monyoni gwangu;
11U nga nyi rinyi hwindzo nya khovbe yago
ambari gu nyi dusela Liphuvbo lago nya Guage.
12Nyi wuyisele nyaluphye gutsaka khu guvbanyisa gwago
li na nyi tiyise liphuvbo nya wuhindzi.
13Nyi na hevbudza sighohi ndzila yago,
gasi sighohi si wuye gwago.
14Nungungulu, nyi vbulugise ga novba wu vbaladzidwego
Nungungulu, muvbanyisi wangu,
lidimi langu li na khusedza gululama gwago.
15Pfhumu, tula likana langu,
likana langu li na tivisa wudhumo wago.
16Kholu uwe khu tsakiswi khu miphaso nya dzimhamba;
ambari nya gu gu ninga miphaso nya guvbiswe;
uwe khu tsakiswi khiyo.
17Dzimhamba dzi tsakisago Nungungulu khu hefemulo wu dzi layago;
Uwe Nungungulu khu nyenyi monyo wu tshanisekago.
18Kategisa gwadi Siyoni khu wuhindzi wago;
vbahedza nyaluphye mabhiyo ya Jerusalema.
19Khu guralo, u na nengela khu miphaso nya gululame,
nya miningelo ni miphaso nya guvbiswe,
vbagiluvelotunu gwago gu na ningedwa miphaso nya sikuziyana.
Currently Selected:
Dzindzimo 51: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
