Dzindzimo 4
4
Gutumba Nungungulu gikhatini nya wuvi
Ga muthangeli nya vaembeleli khu gitendre. Ndzimo ya Dhavhidhe
1Nya gu gu rana nyi hakhe;
uwe Nungungulu mulamuli wangu!
Uwe u nga nyi vbulugisa musigaradzoni,
nyi pwele wuhindzi u hakhe nombelo wangu!
2Enu vathu, kala lini sanu,
na mu gu hembulula wuzundzo wangu!
Khu ginani mu gola silo nyamba phasa gilo,
mu tutumela gu vbweta malipha?
3Dzitini gukhenu Pfhumu Nungungulu
a dzi hathede oyu a khodwago gwaye.
Pfhumu Nungungulu a ngu nyipwa nya gu mu rana.
4 # Wona gambe: Efes 4:26. Thavani mu nga ghohi gambe,
pimisani khu myonyoni gwanu na mu lade mu dzi rudzisa.
5Ningelani miphaso nya gululame,
mu tumba Pfhumu Nungungulu.
6Nya vangi vari, khavo:
“Khu mani a na hi nonedzago gutsaka?”
Pfhumu Nungungulu, hi wenengedze
khu gungangamela nya khovbe yago.
7U thede gutsaka nya gungi monyoni gwangu
guvbindra avo va gu nago;
va fumago sivbila ni vbinyu.
8Nyi ngu lala ligovbe nyi hefemula khu gurula,
kholu, uwe Pfhumu Nungungulu
khuwe basi u nyi ningago guvbanya na nyi tiyide.
Currently Selected:
Dzindzimo 4: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
