Dzindzimo 48
48
Siyoni, lidhoropa la Nungungulu
Ndzimo ya sanana sa Kore
1 Pfhumu Nungungulu khongolo, a ngu yela gu rungudzwa ngudzu,
dhoropani ga Nungungulu wathu.
2 # Wona gambe: Mat 5:35. Gigomo gyaye nya gukatege, gi mburide ni gulapha,
gi ngu tsakisa litigo latshavbo;
gigomo gya Siyoni, khu phuvbo ga Wuronga,
lidhoropa la Mufumeli nya khongolo.
3Dzinyumbani gwawe nya wufumu,
Nungungulu a ngu dzi wonegisa kha nga wuthavelo.
4Khu guralo, vafumeli va pwananide
gasi gu ya dwanisa lidhoropa;
5aholu na va li wone, va di tedwa khu rerema,
va di hambanega mapimo va thava va tutuma khu guvbiredza.
6Avbovbo va di hungwa khu rerema nya yikhongolo,
vapwa wuvi nya nga wa nyamayi a lumwago.
7Gufanana ni phuvbo ya Khugadambo
yi fanyeledzelago mataro ya Tarisisi.
8Kha nga hi pwidego, hi si wone gambe kharato
dhoropani ga Pfhumu Nungungulu nya Tshivba Yatshavbo,
dhoropani ga Nungungulu wathu.
Nungungulu a li tiyisidego kala gupindruga.
9Nungungulu, ethu hi ngu alakanya wuhindzi wago
na hi romo nyumbani gwago.
10Kha nga lina lago, Nungungulu,
kharato nuwo wuzundzo wago wu ngu vboha mahegiso nya litigo;
libogo lago la nyamudye li tade khu gululama.
11Gi ngu tsaka gigomo gya Siyoni,
sanana sa Judha si ngu nengela
khu kotani nya gulamule gwago.
12Dzuwulugani Siyoni, mu gimbilagimbila dhoropani gwatshavbo,
mu saya makhokhola yaye;
13samalani mabhiyo yaye,
mu khedzisisa dzinyumba dzaye nya wufumu,
mu kodza gu embeledzela mimelana yi nga gutago.
14Oyu khu Nungungulu,
khuye Nungungulu wathu kala gupindruga;
khuye a na hi endredzago kala gufa.
Currently Selected:
Dzindzimo 48: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
