Dzindzimo 47
47
Nungungulu, Pfhumu nya litigo
Ga muthangeli nya tsawa nya vaembeleli. Ndzimo ya sanana sa Kore
1Enu mahundzu yatshavbo, phaphatani mandza;
embani ga Nungungulu khu mikulungwane nya gutsake.
2Kholu Pfhumu Nungungulu khongolo ngudzu,
khuye Mufumeli nya khongolo nya litigo latshavbo.
3Uye a ngu hi ninga gu fumela mayigo,
a vega mahundzu nya vathu vbavbatshi nya migondro yathu.
4A ngu hi hathela thomba yathu,
wuzundzo wa Jakobe, gigodwa gyaye.
5Nungungulu gwede vbakari nya dzihuwa nya litsako,
Pfhumu Nungungulu vbakari nya gudzume nya pundru.
6Rungudzani khu dzindzimo Nungungulu wathu;
embelelani dzindzimo ga Mufumeli wathu, embelelani.
7Kholu Mufumeli nya litigo latshavbo khu Nungungulu;
embelelani ndzimo nya gutsakise, mu mu rungudza.
8Nungungulu a ngu fuma vbatshani nya mayigo;
khade vbagikhalotunu gwaye nya gukatege.
9Dzindruna nya mayigo dzi ngu patana
ni vathu va Nungungulu wa Abrahama,
kholu mifumo ya mafuni ya gu lumba Nungungulu;
Uye womo vbatshani nya silo satshavbo.
Currently Selected:
Dzindzimo 47: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
