Dzindzimo 46
46
Nungungulu wuthavelo ni likhokhola lathu
Ga muthangeli nya tsawa nya vaembeleli. Ndzimo ya sanana sa Kore
1Nungungulu wuthavelo ni likhokhola lathu,
muphasedzeli vbakari nya dzimhango.
2Khu guralo, kha hi thavi ambari la gu tsekatseka litigo,
ni gu siguledwa sigomo si dzamiswa phwani;
3ambari la gu dzuma linene, ma duga liguvi mati yaye,
si gu tsekatseka sigomo khu tshivba yaye.
4Womo tsongo, mati yaye ma tsakisago lidhoropa la Nungungulu,
nyumba nya guage ya oyu a Khusegidego ngudzu.
5Nungungulu khade vbakari gwaye; gima kha li na nga tsekatseka,
Nungungulu a ngu ta li phasa gukhugela marandragugya.
6Ma di thuruga mayigo, gu ndrendremela mifumo;
Nungungulu a di pwadza lito laye,
litigo li tsekatseka.
7 Pfhumu Nungungulu nya Tshivba Yatshavbo womo vbakari gwathu;
Nungungulu wa Jakobe khuye wuthavelo wathu.
8Deluni, mu ta wona sigiro sa Pfhumu Nungungulu,
khuye a girago siliwugiso mafuni.
9Uye a ngu vbedza mayunga kala mahegiso nya litigo,
a ngu fanya wulaho, a fanyeledzela siholoma;
a rinya niloni dzikareta nya nyimbi.
10Rulani, mu dzitini gukhenu:
Eni nyi Nungungulu nyi guromo vbatshani
nyi ngu khusedzwa vbakari nya mayigo,
nyi ngu zundzwa khu litigo.
11 Pfhumu Nungungulu nya Tshivba Yatshavbo womo vbakari gwathu;
Nungungulu wa Jakobe khuye wuthavelo wathu.
Currently Selected:
Dzindzimo 46: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
