Dzindzimo 41
41
Nombelo wa wule a lombago guvbanyiswa
Ga muthangeli nya tsawa nya vaembeleli. Ndzimo ya Dhavhidhe
1Kategide oyu a alakanyago gisiwana;
litshigu nya sigaradzo a na vbanyiswa
khu Pfhumu Nungungulu.
2 Pfhumu Nungungulu a ngu mu sayisa,
a mu ninga guvbanya ni gunengela mafuni,
kha mu ningeli mandzani ga valala vaye.
3Vbadawutunu nya madwali, Pfhumu Nungungulu
u ngu mu sayisa, u mu vbungulela wuvi waye.
4Eni nyi di ganela, kheni: Pfhumu Nungungulu
nyi pwele wusiwana;
hawulugisa hefemulo wangu, kholu nyi gu ghohede.
5Valala vangu va gu nyi lemba, khavo:
“Lini a nafago li futega lina laye.”
6Moyo wawe a guta nyi holela kha ganeli lisine,
a gu nyi tadza monyo khu guvivba;
a gu ganela khiso gikhati a dugago.
7Vatshavbo va nyi vengago va gu tshangana va nyi lemba;
va gu ganela masingita khu eni, khavo:
8“Vetidwe khu tsayiso wa Sathane,
thegide vbadawutunu, gima kha na wuga gambe.”
9 # Wona gambe: Mat 26:23; Mark 14:18; Luk 22:21; Joh 13:18. Gu dzega ni pari yangu, nyi nga bani nyi yi tumba,
hi nga bani hi hodza mbiya mweyo,
yi nyi dzuwuluga niyo yi nyi wugela.
10Aholu uwe Pfhumu Nungungulu nyi pwele wuhindzi,
nyi wuse, nyi na va livba khu fanelo yawe.
11Kharati nyi na dziti nya gukheni u ngu tsaka khu eni;
nala wangu a gumba ghiya kheni.
12Gasi khu eni, u na nyi vbanyisa wurumba wangu,
u nyi sayisa mbeli gwago kala gupindruga.
13 # Wona gambe: Dzind 106:48. A na bongwe Pfhumu Nungungulu wa Israyeli,
gukhugela olu kala gupindruga!
Amen ni amen!
Currently Selected:
Dzindzimo 41: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
