Dzindzimo 3
3
Nombelo nya gulombe guphaswa khu Nungungulu
Ndzimo ya Dhavhidhe, gikhati a nga bani na gu tutumiswa khu mwanaye Abhisalamo
1 Pfhumu Nungungulu, idzo va tadego khidzo valala vangu!
Vangi ngudzu avo va nyi wugelago!
2Vangi ngudzu avo va nyi embelago, khavo:
“Gima kha na nga vbanyiswa khu Nungungulu.”
3 # Wona gambe: 2 Sam 15:13—17:22. Aholu, uwe Pfhumu Nungungulu, u gitshangu gyangu,
khuwe wuzundzo wangu, khuwe u nyi khusedzago.
4Nyi ngu khusa lito nyi rana Pfhumu Nungungulu,
uye a ngu nyi hakha khu gigomoni gwaye nya gukatege.
5Nyi ngu lala nyi mana ligovbe;
nyi wuga, kholu Pfhumu Nungungulu a ngu nyi sayisa.
6Kha nyi thavi talo nya vathu
va nyi randredego khu maphuvbo yatshavbo.
7Wuga, Pfhumu Nungungulu!
Nyi vbanyise Nungungulu wangu,
kholu uwe u ngu veta siwombo sa valala vangu,
u kunulela magwaha ya sighohi.
8Guvbanyiswa gwa guta khu ga Pfhumu Nungungulu,
u tshisa makategwa ga vathu vago.
Currently Selected:
Dzindzimo 3: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
