Dzindzimo 39
39
Muthu khandri gilo mbeli ga Nungungulu
Ga muthangeli nya tsawa nya vaembeleli, Jedhutumi. Ndzimo ya Dhavhidhe
1Eni nyi di, kheni: Guvbanyani gwangu nyi na landra ndzila yangu,
gasi nyi si ghohi khu lidimi langu;
va nya guvivba va gu bani vari vbafuvbi gwangu,
nyi na degula heni hwi.
2Eni nyi di degula heni kape;
aholu wuvi wangu wu di engedzelana
khu gu vbisa monyo.
3Monyo wangu wu di vava ndrani gwangu,
nya gu pimisa isoso gu di dzura kha nga nilo;
khu guralo, nyi di tshula lidimi langu nyi ganela, kheni:
4“Pfhumu Nungungulu, nyi nonedze mahegiso yangu,
ni pimo nya matshigu yangu,
nyi fela gu pima gurola nya guvbanye gwangu.
5U giride matshigu yangu kha nga guanama nya gyandza;
matshigu nya guvbanye gwangu khandri gilo mbeli gwago.
Muthu watshavbo a khugago a ema,
a gu fanana ni gufurugedza nya liphuvbo,
6Muthu a gimbilago a gu fanana ni mwedzi,
dzithomba a wungedzelago gambe kha dziti khu mani a na dzi hodzago.
7Gasi eni, Pfhumu, nya gu tumba ginani?
Uwe khuwe gitumbo gyangu.
8Nyi vbulugise guvivbani gwangu gwatshavbo;
u nga nyi digi nyi vadwa khu muthu nya giphuguphugu.
9Eni nya gu degula kha nyi tuli likana,
kholu khuwe u giridego isoso.
10Nyi ndreyisele sitsayiso sago;
u nga nyi vbedzi tshivba khu pama nya mandza yago.
11U ngu hevbudza muthu khu gu mu tsayisa khu sihoso saye,
u tshungunula dzithomba dzaye kha nga muhwa;
muthu watshavbo furugedzo basi.
12 Pfhumu Nungungulu, yingisa nombelo wangu,
nya gu womba huwa nyi lomba guphaswa, nyi yingise;
U nga khali givbwiri nya mbapwa gudilela gwangu.
Kholu eni nyi muwuyi avbo gwago,
nyi mupepetegi kha nga vakokwe vangu.
13Ndreyisa maho yago ga eni,
nyi kodze gu hefemula,
na gu si vbohi gikhati nya gu nyi vbindra nyi si wonegi.”
Currently Selected:
Dzindzimo 39: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
