Dzindzimo 36
36
Wuvivbi nya muthu ni wuwadi wa Nungungulu
Ga muthangeli nya tsawa nya vaembeleli. Ndzimo ya Dhavhidhe githumi gya Nungungulu.
1 # Wona gambe: Rom 3:18. Muthu nya guvivbe a gu fumbela magana nya gighoho
monyoni gwaye;
mahoni gwaye mwalo githawo ni Nungungulu.
2Kholu a gu dzi pfhadza abune
afela gumba tugula ni gu nyenya guvivba gwaye.
3Khu kanani gwaye gu duga magana nya guvivbe ni malipha,
mano nya gugire esi nya sadi,
a ma tsukude gale.
4Vbadawutunu gwaye, a gu hingigedzela guvivba basi;
a gu simama gubela khu ndzila nyambasi yadi,
gima kha nyenyi guvivba.
5 Pfhumu Nungungulu, lihaladzo lago lomo ndzadzini,
lisine lago li ngu vboha kala mapfhini.
6Nayo wago wu ngu fanana ni sigomo nya gulaphe ngudzu,
gulamula gwago kha nga gueta nya gukhongolo.
Pfhumu Nungungulu, U ngu vbanyisa vathu ni sirengo.
7Oh, Pfhumu Nungungulu, lihaladzo lago li ngu tsakisa ngudzu!
Khu magirelo yoyo, mutsani nya mambapi yago
va nguta sihala umo vathu.
8Avo va ngupwa gukhura khu manonwa ya nyumbani gwago,
u va sedza mati nya gutshambe ya namboni gwago.
9Kholu gibuga nya womi gyomo gwago;
khu wenengedzo wago, hi ngu wona guwonegela.
10Thawuludza wuwadi wago ga vale va gutigo,
ni nayo wago ga vale nya myonyo yi lulamidego.
11Nyi nga gandrwi khu migondro ya muthu nya matshandza,
nyi nga thedwi hwanga khu matshandza ya muthu nya guvivbe.
12Va thegide vbavbatshi avo va girago guvivba;
va thegede muphelo nyamba kodza gu wuga gambe.
Currently Selected:
Dzindzimo 36: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
