Dzindzimo 35
35
Nombelo nya gulombe gu dwanedwa ga valala
Ndzimo ya Dhavhidhe
1 Pfhumu Nungungulu, thethisa avo va nyi singedzago,
u dwana ni avo va nyi dwanisago.
2Dzega gitshangu u ambala givhikelo,
u khuga u ta nyi phasa.
3Phara litshari ni makoke,
u wugela vasanisi vangu;
nyi embele, khuwe: “Eni kheni guvbanyiswa gwago.”
4Va na tale khu dzitshoni
vatshavbo vale va zamago gu nyi songa;
va na bwelele hwane va khala dzitshoni,
avo va nyi girelago matshoho.
5Va na gire kha nga mavivi ma vbiyedwago khu phuvbo,
va lundrwa khu ngilozi ya Pfhumu Nungungulu.
6Ndzila yawe yi na khale gidema ni gukwiriga,
va na lundrwe khu ngilozi ya Pfhumu Nungungulu.
7Kholu na nyiri mwalo nandru va nyi riyede mazinga,
vbavbandze nya nandru
va nyi kembela liphala gasi nyi thegela umo.
8Va na dugedwe khu libango va si li vireligo,
va na modwe vabune khu naphwi va wu dembidego;
va thegela phalani va li kembidego.
9Hefemulo wangu wu na nengela ga Pfhumu Nungungulu,
nyi na tsaka khu gu vbanyiswa khuye.
10Khu monyo wangu watshavbo, nyi na ganela, kheni:
“Pfhumu Nungungulu, khu mani a fananago ni Uwe?”
Kholu uwe u ngu tshudzisa gisiwana
mandzani ga wule a gu ni tshivba gu mu vbindra,
u vbanyisa khulungu ga vale va yi kalavelago.
11Dzi ngu khuga dzifakazi nya malipha,
dzi nyi singedza khu silo nyi si sitigo.
12Va nyi bweledzede wuwadi khu wuvivbi,
va vbweta gu vbedza hefemulo wangu.
13Gikhati avo va nga manwa khu madwali,
eni nyi di ambala silendra nyi hala nyamba hodza gilo,
nyi di wuyelela gu gira nombelo na nyi gu nogide,
14nyi di gira bwelebwele guya va holela
nga khwatshi nya gu tshanisekela pari mwendro ndriyangu;
nyi lila, nyi noga vbavbatshi nga uye a lilago mayi waye.
15Gasi avo gikhati nyi nga thega, va di ghiya va tshangana gumogo;
vathu nyamba vati, va di tshangana gasi gu nyi wugela
nyi si giti igyo va nyi wugelago khigyo;
16Va nyi randrela na va gu nyi tsorodzela
na va gu khukhurusa magwaha khu likhulo.
17Pfhumu u na si wonetela kala lini?
Nyi vhikele ga ava va ngurangurago,
vbanyisa womi wangu sambani nya dzinghala dzedzi.
18Nyi na gu bonga vbakari nya tshangano nya wukhongolo,
nyi na gu rungudza vbakari nya vathu nya vangi.
19 # Wona gambe: Dzind 69:4; Joh 15:25. Valala vangu va nga nengeli khu gutshaniseka gwangu,
ma nga khwavbigi maho ya vale va nyi zondrago nyambana nandru.
20Kholu avo gima kha va ganeli khu gurula;
aholu va gu wugela va nya gurula mafuni,
va luga mano nya gu va singedze guvivba.
21Va gu tula magana yawe va nyi singedza, khavo:
“Ethu hi mu wone khu maho yathu.”
22Aholu uwe Pfhumu Nungungulu u si wone nuwe esi,
u nga deguli;
u nga khali hwindzo ni eni, Pfhumu.
23Wuga u nyi emela,
uwe Nungungulu Pfhumu yangu, u nyi vhikela ga nandru wangu.
24Nyi lamule khu nayo, wago Pfhumu Nungungulu,
u nga va dzumedzisi va ghiya avbo gwangu.
25Va nga pimisi, khavo: “Gwadi, hi giride esi hi nga si vbweta”
va nga ganeli khu myonyoni gwawe, khavo: “Hi mu midzide.”
26Va na khale dzitshoni va khunguvanyega,
avo va nengelago khu gu saniseka gwangu;
va na tale khu dzitshoni ni wusiwana
avo va dzi khusedzago tshivbani gwangu.
27Va na embelele va nengela,
avo va dwanelago gululama gwangu,
va na ganele gikhati gyatshavbo, khavo: “A na rungudzwe Pfhumu Nungungulu,
a tsakiswago khu gu dugelela ga githumi gyaye!”
28Lidimi langu li na embelela gululama gwaye,
gikhati gyatshavbo nyi rungudza uwe.
Currently Selected:
Dzindzimo 35: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
