Dzindzimo 34
34
Gudhumisa wuwadi wa Pfhumu Nungungulu
(1 Sam 21:13-15)
Ndzimo ya Dhavhidhe, gikhati a nga dzi gira muthu nya guhandruge mbeli ga Abhimeleki, a tutumiswa khuye, a khuga a hongola
1Nyi na rungudza Pfhumu Nungungulu
gikhati gyatshavbo,
Likana langu li na embelela wudhumo waye kala gupindruga.
2Hefemulo wangu wu na dzi zundza khu Pfhumu Nungungulu,
avo va dzi nogisago va napwa va nengela.
3Rungudzani Pfhumu Nungungulu gumogo ni eni,
hi na khusedze lina laye ethu hatshavbo.
4Nyi vbwetide Pfhumu Nungungulu, uye a nyi hathide;
a nyi tshula guthavani gwangu gatshavbo.
5Avo va mu wonago va na tala khu litsako,
dzikhovbe dzanu gima kha dzi na khala dzitshoni.
6Gisiwana gi di lila, Pfhumu Nungungulu a gi yingisa,
a gi vbulugisa sigaradzoni saye satshavbo.
7Ngilozi ya Pfhumu Nungungulu ya gu vhikela vale
va mu ningago githawo yi va vbanyisa.
8 # Wona gambe: 1 Ped 2:3. Lingani mupwa edzi Pfhumu Nungungulu a gu wadi khidzo;
kategide wule a thavelago avbo gwaye.
9Ningani githawo Pfhumu Nungungulu enu sihathwa saye,
kholu gimwalo gi na kenelelago ga avo va mu ningago githawo.
10Singhalana si ngu hamuga sipwa ndzala,
Aholu gimwalo gi kenelelago ga avo va vbwetago Pfhumu Nungungulu.
11Vanavangu deluni muta nyi yingisa;
eni nyi na mi hevbudzani githawo ga pfhumu Nungungulu.
12Khu wevbini muthu a vbwetago guvbanya,
a golago guvbanya matshigu nya gulaphe
gasi gu wona silo nya gutsakise?
13Vegedza lidimi lago ga esi nya guvivbe,
likana lago li nga ganeli malipha.
14Ndreya ga esi nya guvivbe, u gira nya sadi;
vbweta gurula u gu landrisa.
15Maho ya Pfhumu Nungungulu ma gu khedzisela avo va lulamidego;
dzindzeve dzaye dza gu yingisela gulila gwawe.
16 # Wona gambe: 1 Ped 3:10-12. Khovbe ya Pfhumu Nungungulu ya gu wugela avo va girago guvivba,
gasi a va fuvisa mafuni va si alakanywi gambe.
17Va nya gululama va gu lila, Pfhumu Nungungulu a gu yingisa,
a va tshula sigaradzoni sawe satshavbo.
18 Pfhumu Nungungulu womo vbafuvbi
ga vale myonyo yawe yi vbisegago,
a vbanyisa avo mihefemulo yawe yi khuvekidego.
19Sigaradzo nya muthu nya gululame singi ngudzu,
aholu Pfhumu Nungungulu a gu mu vbulugisa ga satshavbo.
20 # Wona gambe: Joh 19:36. Uye a gu sayisa marambo yawe yatshavbo,
gasi ni limwedo lawe basi li si fanywi.
21Muthu nya guvivbedwe khu monyo a gufa khu wuvivbi waye,
ni avo va vengago muthu nya gululame va na tsayiswa.
22 Pfhumu Nungungulu a ngu dzegisa mihefemulo ya sithumi saye,
ni vale va tumbago uye, gima kha va na tsayiswa.
Currently Selected:
Dzindzimo 34: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
