Dzindzimo 33
33
Rungudzo ga Nungungulu muvangi ni musayisi
1Vathu nya gululame kulungelani Pfhumu Nungungulu!
Vale va lulamidego khavo va fanelago gu mu rungudza.
2Rungudzani Pfhumu Nungungulu khu gitendre,
mu embelela dzindzimo khu gitendre nya likhumi dzingodzi.
3Embelelani Gwaye ndzimo nya yiphya;
wombani khu tshivba na mu gu kulungela.
4Kholu magana ya Pfhumu Nungungulu ma lulamide,
mithumo yaye yatshavbo yi tumbegide.
5Uye a gu gola gululama ni nayo;
litigo li tade khu lihaladzo la Pfhumu Nungungulu.
6 Pfhumu Nungungulu giride ndzadzini khu lito laye,
khu liphuvbo la kanani gwaye,
si wumbidwe sivangwa satshavbo.
7Uye a di tshanganisa mati ya phwani
ma khala gigomo
a vega minondrwa mivbinganoni gwaye,
8Litigo latshavbo li na ninge githawo
Pfhumu Nungungulu,
Vavbanyi vatshavbo va mafuni va na mu ninge githawo.
9Kholu uye a di ganela, si girega satshavbo;
uye a ruma, satshavbo si girega.
10 Pfhumu Nungungulu a ngu pfhungumula
gikungo gya va nya mayigo
ni gu thesa vbavbatshi mipimiso nya mayigo.
11Aholu gikungo gya Pfhumu Nungungulu,
gi ngu simama kala gupindruga.
12Li kategide litigo lile Nungungulu a gu uye Pfhumu Nungungulu,
ni vathu a va hathidego gu khala thomba yaye.
13 Pfhumu Nungungulu a gu khedza khu Ndzadzini;
a wona vathu vatshavbo;
14Khu wulanga a khalago avbo, a gu khedzisa
a wona vathu vatshavbo va vbanyago mafuni.
15Khuye a vbahago monyo nya muthu ni muthu,
a wona satshavbo va girago.
16Mwalo mufumeli a dzi vbanyisago
khu talo nya dzinyimbi dzaye;
ambari ndrena gu dzi vbanyisa khu tshivba yaye nya yikhongolo.
17Dzikavalu nya nyimbi khandridzo dzi ningago muthu gupala;
ambari na dziri ni tshivba nya yikhongolo,
mwalo a dzi kodzago gu vbuluga.
18Maho ya Pfhumu Nungungulu, ma gu khedza
vale va mu ningago githawo,
ni ga vale va tumbago wuhindzi waye,
19gasi a vbulugisa lufuni mihefemulo yawe,
ni gu va vbanyisa gikhatini nya ndzala.
20Mihefemulo yathu ya gu khevisela Pfhumu Nungungulu,
khuye muphasedzeli ni muvhikeli wathu.
21Khuye a gu gunengela gwathu,
kholu hi ngu tumba lina laye nya gukatege.
22 Pfhumu Nungungulu, wuhindzi wago
wu na khale vbatshani gwathu,
kha nga hi tumbago uwe.
Currently Selected:
Dzindzimo 33: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
