Dzindzimo 2
2
Pfhumu yi hathidwego khu Nungungulu
1Khu ginani va nya mayigo va wusago pfilupfilu?
Khu ginani va hungago gikungo nyamba phasa gilo?
2 # Wona gambe: Mit 4:25-26. Vafumeli nya litigo va wugide,
manganagana ma ngu gira gikungo
ma wugela Pfhumu Nungungulu ni gihathwa gyaye, khavo:
3Hi na kavilele makhetshe a hi hungidego khayo.
4Wule a vbanyago ndzadzini a ngu va hega;
Pfhumu Nungungulu a ngu va tsorodzela.
5A na va embela na tade khu likhulo,
a va thela hwanga khu likhulo laye, khuye:
6“Kheni nyi nga emisa mufumeli wangu
vbatshani nya gigomo gyangu nya gukatege gya Siyoni.”
7 # Wona gambe: Mit 13:33; Hebh 1:5; 5:5. Nyi na huwelela nyi tivisa thetho wa Pfhumu Nungungulu.
Uye a di nyi embela, khuye: Uwe u Gyanana gyangu,
muhuno nyi gu velegide.
8Nyi lombe nyi na gu ninga mayigo ma khala thomba yago,
mafu yatshavbo ma na lumba uwe.
9 # Wona gambe: Gutu 2:26-27; 12:5; 19:15. U na ma pandra khu ndronga nya dzisimbi,
u na ma khungumulela kha nga kanvu nya libumba.
10Gasi olu, enu vafumeli gengelani;
dzumelani gu kawukwa, enu valamuli nya litigo!
11Khozelani Pfhumu Nungungulu khu githawo
mu tsaka ni gu ndrendremela mbeli gyaye.
12Khidzimani mawundruni ga mwamana
gasi a si gorogi, mu si mbembi na mu ngari ndzilani,
kholu hwane nya gikhatinyana a na tala khu likhulo.
Va kategide vatshavbo vale va thavelago gwaye.
Currently Selected:
Dzindzimo 2: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
