Dzindzimo 29
29
Lito la Nungungulu li ngu dzi nonedza khu gingulu
Ndzimo ya Dhavhidhe
1Sanana sa Nungungulu, rungudzani Pfhumu Nungungulu,
embelelani wudhumo ni tshivba ya Pfhumu Nungungulu.
2 # Wona gambe: Dzind 96:7-9. Rungudzani wudhumo nya lina la Pfhumu Nungungulu,
khozelani Pfhumu Nungungulu makhuvini gwaye nya guage.
3Lito la Pfhumu Nungungulu li ngu pwala vbatshani nya mati,
Nungungulu nya wudhumo a ngu zindza kha nga libara,
Pfhumu Nungungulu a ngu wonega vbatshani nya talo nya mati.
4Lito la Pfhumu Nungungulu li ngu pwala khu tshivba;
lito la Pfhumu Nungungulu li ngu pwala gungangamelani.
5Lito la Pfhumu Nungungulu li ngu thesa misimbo nya sedhari,
Pfhumu Nungungulu a ngu thesa misedhari ya Libhanoni,
6a gu kutsunga Libhanoni, gu ndragandraga kha nga gimombyana,
Siriyoni kha nga gyanana nya nyari.
7Lito la Pfhumu Nungungulu la gu dusa malavbelavbe nya nilo,
8lito la Pfhumu Nungungulu li ngu kutsunga giwula.
Pfhumu Nungungulu a ngu kutsunga giwula gya Kadesi.
9Lito la Pfhumu li ngu tshomborosa matshina nya misena
li vbiyela magabi.
Nyumbani gwaye sivangwa satshavbo si ngu pwadza wudhumo.
10 Pfhumu Nungungulu khade vbatshani nya talo nya ndrambi,
Pfhumu Nungungulu khade vbagikhalotunu nya wufumu kala gupindruga.
11 Pfhumu Nungungulu a ngu ninga tshivba vathu vaye,
Pfhumu Nungungulu a ngu kategisa vathu vaye khu gurula.
Currently Selected:
Dzindzimo 29: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
