Dzindzimo 28
28
Nombelo nya gubonge
Ndzimo ya Dhavhidhe.
1 # Wona gambe: 1 Kor 10:26. Nyi ngu lila ga uwe, Pfhumu Nungungulu, muvhikeli wangu;
Nungungulu wangu u nga khali givbwiri;
nyamba pwa lito langu,
nyi nga khala kha nga vale va relelago thowoni.
2Yingisa lito langu nya gudilele
gikhati nyi lilago avbo gwago,
gikhati nyi khusedzago mandza, Pfhumu Nungungulu
nyi nonedze wulanga wago nya guage ngudzu.
3U nga nyi tsayisi gumogo ni sighohi,
ni vale va thumisago wughevenga;
khu likana va gu ganela khu gurula,
aholu myonyoni gwawe va na ni makungo nya guvivbe.
4 # Wona gambe: Gutu 22:12. Va ninge gukhedza khu edzi yi lombago khidzo mithumo yawe,
gupima khu guvivba nya sigiro sawe;
va ninge edzi wu lombago khidzo thumo nya mandza yawe,
va livbe tengo wu va lumbago.
5Avo kha va khathali khu sile a giridego Pfhumu Nungungulu,
ni sigiro nya mandza yaye;
u na va fuvisa nyamba va wusedza gambe.
6A na rungudzwe Pfhumu Nungungulu,
kholu a yingiside lito nya milombelo yangu.
7 Pfhumu Nungungulu tshivba ni gitshangu gyangu,
monyo wangu wa gu tumba uye;
nyi phasidwe, givili gyangu gi ngu thungedzela,
nyi ngu bonga khu monyo wangu watshavbo.
8 Pfhumu Nungungulu tshivba nya lihundzu langu,
likhokhola li vbanyisago gihathwa gyaye.
9Vbanyisa vathu vago, kategisa thomba yago;
va havise, u va hetedza kala gupindruga.
Currently Selected:
Dzindzimo 28: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
