Dzindzimo 26
26
Nombelo wa muthu nya gululame
Ndzimo ya Dhavhidhe
1Nyi lamule, Pfhumu Nungungulu,
kholu nyi lulamide guvbanyani gwangu;
nyi ngu tumba Pfhumu Nungungulu nyamba kanakana.
2Nyi khedzise, Pfhumu Nungungulu, nyi linge,
wona gugola nya monyo wangu ni mipimiso yangu;
3mahoni gwangu nya gu wona lihaladzo lago,
nyi ngu gimbila lisineni gwago.
4Kha nyi khali dangamwedo ni sidambane,
kha nyi gimbili ndzila mweyo ni vakanganyisi;
5nyi ngu yi nyenya mitshangano ya va nya guvivba,
kha nyi khali gumogo ni sighohi.
6Nyi ngu hamba mandza yangu na nyi agide monyo,
gasi nyi hidzimela vbagiluvelotunu gwago Pfhumu Nungungulu,
7nyi embelela ndzimo nya gubonge,
nyi huwelela siliwugiso sago satshavbo.
8 Pfhumu Nungungulu, eni nyi ngu gola wumburi
nya Nyumba yago,
ni wulanga wu wonegago avbo wudhumo wago.
9U nga nyi pati gumogo ni sighohi,
guvbanya gwangu u nga gu pati ni sighevenga;
10Avo va na ni gunyenyeza mandzani gwawe,
mandza yawe ya nyamudye ma limade khu gu rengelela.
11Gasi eni, nyi lulamide guvbanyani gwangu,
nyi tshule, nyi pwele wuhindzi.
12Migondro yangu yi tiyide ndzilani nya gululame,
eni nyi ngu gu rungudza Pfhumu Nungungulu
vbakari nya tshangano.
Currently Selected:
Dzindzimo 26: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
