Dzindzimo 20
20
Nombelo nya gugiredwe mufumeli
Ga muthangeli nya vaembeleli. Ndzimo ya Dhavhidhe
1 Pfhumu Nungungulu a na gu hakhe litshigu nya sigaradzo,
Lina la Nungungulu wa Jakobe li na gu vhikele!
2Khu nyumbani nya guage a na gu rumele giphaso,
a gu phara gwadi gukhugela Siyoni!
3A na alakanye miningelo yago yatshavbo,
a tsakiswa khu phaso wago nya guvbiswe.
4A na gu ninge esi monyo wago wu suvago,
a tiyisa satshavbo u pimisago gu gira!
5Hi na mane gunengela khu gupala gwago,
hi khusedza ngavbya#20:5 Ngavbya; gu thudwa bandeira. khu lina la Nungungulu wathu!
Pfhumu Nungungulu a na tadzise gu lomba gwago gwatshavbo!
6Olu nyi ngu dziti nya gukheni Pfhumu Nungungulu,
a ngu vbanyisa gihathwa gyaye;
a ngu gi hakha khu nyumbani gwaye nya guage ndzadzini,
khu siliwugiso sa nyamudye gwaye nya guvbanyise.
7Vambe va gu tumba dzikareta, vambe va tumba dzikavalu;
gasi ethu ha gu rana lina la Pfhumu Nungungulu wathu.
8Avo va gu tshunganela va thega;
ethu ha gu khuga hi ema na hi tiyide.
9 Pfhumu Nungungulu a na vbanyise mufumeli;
ha gu gu rana hi hakhe.
Currently Selected:
Dzindzimo 20: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
