Dzindzimo 13
13
Nombelo nya gukhodwe
Ga muthangeli nya tsawa nya vaembeleli. Ndzimo ya Dhavhidhe
1 Pfhumu Nungungulu, kala lini nu nyi divala sago?
U na nyi divala muphelo, u nyi sihela khovbe yago, gani?
2Kala lini hefemulo wangu na wu gu vila,
monyo wangu na wu gu kukutelana
matshigu yatshavbo khu wuvi?
Kala lini nala wangu a na simamago gu nyi khozisa?
3 Pfhumu Nungungulu wangu, nyi thele kota!
Nyi wone u nyi hakha!
Wenengedza maho yangu gasi nyi si hungwi
khu ligovbe nya gufe.
4Gasi nala wangu a nga ganeli, khuye: “Nyi mu pade,”
vale va nyi nyenyago, va nga nengeli
khu gu wona gupalega gwangu.
5Eni nyi tumbide wuhigo wago;
monyo wangu wu na nengela, kholu u na nyi vbanyisa.
6Nyi na embelela nyi rungudza Pfhumu Nungungulu,
khu makategwa a nyi ningidego.
Currently Selected:
Dzindzimo 13: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
