Dzindzimo 12
12
Nombelo nya gulombe gu phaswa khu Nungungulu
Ga muthangeli nya tsawa nya vaembeleli. Ndzimo ya Dhavhidhe
1Nyi vbanyise Pfhumu Nungungulu,
kholu, vathu nya gululame va vbede,
gutumbega gu mwalo gambe vbakari nya vathu.
2Muthu ni muthu, a gu liphela muthu kwawe
khu magana nya gusengedzele ni gupemba.
3 Pfhumu Nungungulu, pila sihofu nya malipha,
sa avo va ganelago khu matshandza,
4avo va gukhavo: “Lidimi khilo tshivba yathu,
magana yathu ma ngu hi vhikela,
khu mani a hi fumago?”
5Kholu Pfhumu Nungungulu a di khuye: “Olu nyi na khuga nyi ema,
kholu va nya gusolega va ngu saniswa,
sisiwana si ngu keta khu wuvi
nyi na va resela guvbanyiswa va gu vbwetago.”
6Magana ya Pfhumu Nungungulu khya lisine,
ma agide gu fanana ni parata yi hutidwego,
yi mburisedwa ngudzu niloni,
livbandre na dzimbili dzinyondro.
7Ina, Uwe Pfhumu Nungungulu u na hi sayisa,
u hi vbulugisa ga melana yoyu kala gupindruga.
8Vathu nya guvivbe va gu legalega maphuvbo yatshavbo,
vatshavbo va gu ninga wuzundzo silo nya gunyenyeze.
Currently Selected:
Dzindzimo 12: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
