Dzindzimo 115
115
Nungungulu khuye basi a fanedego gu ningwa wuzundzo
1U nga zundzi ethu, Pfhumu Nungungulu, u nga zundzi ethu,
aholu dhumisa lina lago, khu kotani nya lihaladzo lago,
ni gutumbega gwago.
2Khu ginani va nya mayigo va na simamago gu wudzisa, khavo:
“Womo hayi Nungungulu wanu?”
3Nungungulu wathu womo ndzadzini
a ngu gira silo satshavbo khu gugola gwaye.
4Sifananiso sawe khu ndralama ni parata,
thumo nya mandza nya vathu.
5Si na ni likana aholu kha si ganeli;
ni maho si nawo, aholu kha si woni;
6Si na ni dzindzeve, aholu kha sipwi;
ni dzithonvu, aholu kha sipwi gununga.
7Si na ni mandza, aholu kha si phari gilo;
ni migondro si nayo, aholu kha si gimbili;
migoloni gwawe gu mwalo lito nya guganele!
8 # Wona gambe: Dzind 135:15-18; Gutu 9:20. Avo va si wumbago va wuya va khodwa ga iso,
va na fanana ni sithombe soso.
9Enu va na Israyeli tumbani Pfhumu Nungungulu;
kholu uye khuye muphasedzeli ni gitshangu gyanu.
10Enu va nyumbani ga Aroni, tumbani Pfhumu Nungungulu;
kholu uye khuye muphasedzeli ni gitshangu gyanu.
11Enu mu khodwago ga Pfhumu, tumbani Nungungulu!
Kholu uye khuye muphasedzeli ni gitshangu gyanu.
12 Pfhumu Nungungulu a hi alakanyidego, a na hi kategisa;
a na kategisa vathu va Israyeli,
a kategisa ndranga ya Aroni.
13 # Wona gambe: Gutu 11:18; 19:5. A na kategisa avo va khodwago ga Pfhumu Nungungulu,
avo nya vadugwane ni ava nya vakhongolo.
14 Pfhumu Nungungulu a na engedzele livelego lanu,
gumogo ni livelego la sanana sanu.
15 Pfhumu Nungungulu giridego ndzadzi ni mafu,
a na mi kategise, enu mwatshavbo.
16Ndzadzi ya gu lumba Pfhumu Nungungulu;
aholu litigo a li ningede ga vathu.
17Avo va fudego kha va dhumisi Pfhumu Nungungulu,
ambari avo va relelago tsadegoni nya vafi.
18Aholu ethu hi vbanyago, hi na dhumisa Pfhumu Nungungulu,
gukhugela olu kala gupindruga.
Aleluya!
A na dhumiswe Pfhumu Nungungulu!
Currently Selected:
Dzindzimo 115: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
