Dzindzimo 116
116
Nombelo nya gubonge
1Nyi ngu mu haladza Pfhumu Nungungulu,
kholu pwide lito nya nombelo wangu.
2Kholu neredzidego dzindzeve dzaye a nyi yingisa;
nyi na lombelela gwaye matshigu yatshavbo nya guvbanye gwangu.
3Nyi hungidwe khu dzitshinga nya lufu,
ligoga nya lithowo li di nyi mode,
eni nyi di tala khu guthava ni gusaniseka.
4Aholu nyi di rana lina la Pfhumu Nungungulu, kheni:
“Pfhumu Nungungulu, gira wuhindzi u nyi vbanyisa.”
5 Pfhumu Nungungulu a na ni gisiro ni gululama;
Nungungulu wathu a na ni wuhindzi.
6 Pfhumu Nungungulu a gu vhikela avo va gu mwalo lipindru;
gikhati nyi nga bani nyi vbede tshivba, uye a di nyi vbulugisa.
7Hefemulo wangu, waya gurulani gwago,
kholu Pfhumu Nungungulu a gu kategiside.
8Kholu uye Pfhumu a nyi vbulugiside gufa;
a nyi bavbula marongo mahoni gwangu,
a nyi vbulugisa guthega.
9Khu guralo, nyi na gimbila mbeli ga Pfhumu Nungungulu,
tigoni nya vathu va vbanyago.
10 # Wona gambe: 2 Kor 4:13. Eni nyi di gu simama gukhodwa, ambari nyi nga, kheni:
“Guvbisega gwangu gukhongolo.”
11Khu gu vbela tshivba nyi di kala nyi ganela, kheni:
“Vathu vatshavbo kha va tumbegi.”
12Nyi na bongisa guwani Pfhumu Nungungulu,
khu wuwadi watshavbo a nyi giredego?
13Nyi na khusedza gikombe nya guvbanyise,
nyi rana lina laPfhumu Nungungulu.
14Nyi na landrisa sisambanyo nyi giridego ga Pfhumu Nungungulu,
olu na nyi gu wonwa khu vathu vatshavbo.
15Gu na ni lisima mahoni ga Pfhumu Nungungulu
gufa ga sihathwa saye.#116:15 Nungungulu a gumba tsaka khu gu gufa nya muthu nya gighohi, (Ezek 33:11), kha tsaki gambe khu gufa nya vakhodwa yaye. Ga Nungungulu womi wawe gilo nya lisima. (Dzind 72:14).
16Uwe Pfhumu Nungungulu, eni nyi githumi gyago,
nyi gyanana gya githumi gyago nya nyamayi;
uwe u kavilede dzitshinga nyi nga bani nyi hungidwe khidzo.
17Nyi na gu ninga miphaso nya gubonge,
nyi na lombelela linani la uwe Pfhumu Nungungulu.
18Nyi na landrisa sisambanyo nyi giridego ga Pfhumu Nungungulu;
na nyi gu wonwa khu vathu vatshavbo,
19makupakupani nya Nyumbani ga Pfhumu Nungungulu,
vbakari gwago uwe Jerusalema!
Aleluya!
A na dhumiswe Pfhumu Nungungulu!
Currently Selected:
Dzindzimo 116: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
