Dzindzimo 114
114
Guduga khu tigoni ga Egipito
1 # Wona gambe: Eks 12:51. Gikhati Israyeli a dugidego khu Egipito,
gikhati nyumba ya Jakobe yi khugidego khu tigoni nya valombo,
2Judha gu di khala Wulanga nya guage,
ni Israyeli gu di khala wulanga nya wufumu waye.
3 # Wona gambe: Eks 14:21; Jos 3:16. Yiphwa, na yi si wone esi yi di tutuma;
tsongo wa Joridhani wu di bwelela hwane.
4Sigomo si di ndragandraga kha nga dzihamba,
ni sigomwana kha nga sinvutana nya tshambi.
5Uwe yiphwa, ginani gi nga gu girago u tutuma?
Nuwe Joridhani, khu ginani u nga bwelela hwane?
6Enu sigomo, khu ginani mu ndragandraga kha nga dzihamba?
Ni enu sigomwana, kha nga sinvutana nya tshambi?
7Uwe litigo, ndrendremela mbeli ga Pfhumu,
mbeli ga Nungungulu wa Jakobe,
8 # Wona gambe: Eks 17:1-7; Mit 20:2-13. a nga vbindrugedza giwindri gi khala litsiva nya mati,
ni giwindri nya gutiye gi khala gibuga nya mati.
Currently Selected:
Dzindzimo 114: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
