Dzindzimo 111
111
Mithumo nya gusamadzise ya Nungungulu
1Aleluya!
Dhumisani Pfhumu Nungungulu!
Nyi na rungudza Pfhumu Nungungulu khu monyo wangu watshavbo,
vbakari nya tshangano wa va nya gululama.
2Sigiro sa Pfhumu Nungungulu sikhongolo,
si ngu tsakisa vatshavbo va si vbwetago.
3Thumo waye khwa wuzundzo ni wugulu,
gululama gwaye gu ngu simama kala gupindruga.
4Giride gukhuye siliwugiso saye si na alakanywe;
Pfhumu Nungungulu a na ni wuhindzi gambe tade khu wuwadi.
5A ngu hodzisa avo va mu ningago githawo;
gikhati gyatshavbo a na alakanya gidzumeledzwano gyaye!
6Yeyedzide vathu vaye tshivba ni mithumo yaye,
a va ninga thomba ya va nya mayigo.
7Mithumo nya mandza yaye khya gutumbega ni lisine,
sileletelo saye satshavbo si tiyide.
8Kholu a si tiyiside kala gupindruga;
a si giride khu gutumbega ni gululama.
9Uye dzegiside vathu vaye;
a gira navo gidzumeledzwano nya gupindruge;
lina laye li agide li ngu thavisega.
10 # Wona gambe: Job 28:28; Mav 1:7; 9:10. Guti nya gukhongolo khu gu thava Pfhumu Nungungulu;
avo va mu rungudzago va na ni mapimo.
Rungudzo waye wu ngu simama kala gupindruga.
Currently Selected:
Dzindzimo 111: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
