Dzindzimo 110
110
Gitumbiso gya Nungungulu ga mufumeli nya litigo
Ndzimo ya Dhavhidhe
1 # Wona gambe: Mat 22:44; Mark 12:36; Luk 20:42-43; Mith 2:34-35; 1 Kor 15:25; Efes 1:20-22; Kol 3:1; Hebh 1:13; 8:1; 10:12-13. Pfhumu Nungungulu a di ganela ga mune wangu, khuye:
“Khala khu nyamudye gwangu,
kala nyi vega valala vago vbavbatshi nya migondro yago.”
2 Pfhumu Nungungulu a guromo Siyoni a na tiyisa
ndronga nya wufumu waye a ganela, khuye:
“Fuma vbakari ya valala vago.”
3Vathu vago va nata dzi ningela gwago,
litshigu u na somago matshari yago nya gudwane;
madzaha ma nata gwago khu sigomoni
kha nga hunguva yi thegago gikhati wu khugago Wuronga.
4 # Wona gambe: Hebh 5:6; 6:20; 7:17,21. Pfhumu Nungungulu a sambanyide, kha na bwelela hwane kholu:
“Uwe u muphasi nya mhamba kala gupindruga
khu nayo nya wuphasi wa Melikisedheki.”
5Pfhumu womo nyamudye gwago;
Litshigu nya likhulo laye a na mbembisa vafumeli;
6A na tsayisa vathu nya mayigo
a wungedzela sirumbi sawe;
a na songetela vathangeli va tigoni gwatshavbo.
7Ndzilani mufumeli a na sela mati nya gibuga,
ayo ma na mu ninga tshivba nya gupale.
Currently Selected:
Dzindzimo 110: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
