Dzindzimo 112
112
Gutumbega ga muthu nya gululame
1Aleluya!
Dhumisani Pfhumu Nungungulu!
Kategide muthu a thavago Pfhumu Nungungulu!
A golago gu landrisa milayo yaye.
2Livelego laye li na tala khu tshivba tigoni,
wu na kategiswa melego wa va nya gululama.
3Nyumbani gwaye gu na tala khu dzithomba ni gufuma
gululama gwaye gu ngu simama kala gupindruga.
4Wenengedzo wu ngu wenengedza gidemani ga muthu nya gululame;
uye a na ni wuhigo, wuhindzi ni gululama.
5Kategide muthu a pwelago wuhindzi a lombisa;
a gimbidzisago silo saye khu gululama.
6Kholu uye gima kha na thega vbavbatshi;
muthu nya gululame a na alakanywa kala gupindruga.
7Uye kha na thava mahungu nya guvivbe,
kholu monyo waye wu tiyide wu ngu tumba Pfhumu Nungungulu.
8Monyo waye, wu tiyide, kha thavi gilo,
a ngu tumba gukhuye valala vaye va na padwa.
9 # Wona gambe: 2 Kor 9:9. A ngu kabana silo saye ni sisiwana;
gululama gwaye gu ngu simama kala gupindruga,
tshivba yaye yi na khusedzwa khu wudhumo.
10Muthu nya guvivbe a gu wona esi a napwa wuvi;
a tala khu lidiwo ni guvbisega,
a khukhurusa magwaha;
aholu mapimo yaye ma na hegisa khu gu fuva.
Currently Selected:
Dzindzimo 112: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
