Dzindzimo 108
108
Dhavhidhe a ngu rungudza Nungungulu a nga mu ninga gupala
Ndzimo ya Dhavhidhe
(Dzindzimo 57:7-11; 60:5-12)
1Uwe Nungungulu, monyo wangu wu tiyide;
nya gu vbweta gu embelela nyi gu dhumisa.
Wuga uwe hefemulo wangu.
2Khendzugani enu gitendre ni mihwambi!
Nya gu vbweta gu vindruga nyi wusa Wuronga.
3Nyi na gu dhumisa, Pfhumu Nungungulu vbakari nya vathu,
nyi na embelela wudhumo wago vbakari nya mayigo.
4Kholu lihaladzo lago li khugegide ngudzu guvbindra ndzadzini,
ni gutumbega gwago gu khugegide guvbindra mapfhi.
5Uwe Nungungulu, nonedza wugulu wago vbatshani ndzadzini,
u tadza litigo khu gungangamela nya wudhumo wago.
6Hakha nombelo wathu,
U hi vbanyisa khu tshivba nya libogo lago la nyamudye,
gasi vathu vago u va golago va vbanyiswe.
7Nungungulu ganede khu nyumbani gwaye nya guage, khuye:
“Gikhati nyi na palago, nyi na kabanisa
lidhoropa la Sikemi, nyi pima sipandre kovani ga Sukoti.
8Gileyadhi ni Manasi va gu lumba eni;
va na Efrayimi gihugu gyangu, va na Judha i ndronga yangu nya wufumu.
9Litigo la Mowabhi ginamelo nyi hambelago umo;
nyi na rinya silato sangu tigoni ga Edhomi;
nyi na ghiya khu gu pala Vafilisitiya.”
10Khu mani a na nyi yisago kala dhoropani gu bhiyidwego?
Khu mani a na nyi vbohisago kala Edhomi?
11Ina uwe Nungungulu u di hi diga kamwe, gani?
Khu na duga gambe ni dzinyimbi dzathu, gani?
12Hi phase gupala valala vathu,
kholu giphaso nya vathu va mafuni kha gi nyawuli.
13 # Wona gambe: Dzind 60:5-12. Ha gu phaswa khu Nungungulu hi na pala,
khuye a na gandredzelago valala vathu.
Currently Selected:
Dzindzimo 108: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
