Dzindzimo 103
103
Ndzimo nya gubonge wuhigo wa Nungungulu
Ndzimo ya Dhavhidhe
1Uwe hefemulo wangu dhumisa Pfhumu Nungungulu,
ni satshavbo si guromo ndrani gwangu,
si na bonge lina laye li agidego.
2Uwe hefemulo wangu bonga Pfhumu Nungungulu,
u nga divali ni moyo nya mithumo yaye nya yadi.
3Khuye a gu tsetselelago siwono sago satshavbo;
ni gu gu hawulugisa madwali yago yatshavbo.
4Khuye a vbanyisago womi wago thowoni,
a gu tadza khu wuhigo ni lihaladzo;
5khuye a gu khurisago khu satshavbo nya sadi
gasi gu wusedza wudzaha wago
wu fanana ni owu nya lighama.
6 Pfhumu Nungungulu a ngu lamula khu nayo,
a gu emela dzifanelo dza avo va saniswago.
7Yeyedzide dzindzila dzaye ga Mosi
ni mithumo yaye ga sanana sa Israyeli.
8 # Wona gambe: Jak 5:11. Pfhumu Nungungulu a na ni wuhigo ni wuwadi
a ngu timisela na tade khu lihaladzo.
9Kha hi tsayisi gikhati gyatshavbo,
ni likhulo laye kha li simami kala gupindruga.
10Kha hi tsayisi gupima khu sighoho sathu,
gambe kha hi bweledzeli gukhedza khu guvivba gwathu.
11Kha nga idzo ndzadzini a gu hwindzo ni mafuni,
kharati nilo lihaladzo laye likhongolo ga vale va mu ningago githawo.
12Kha nga idzo Khugadambo gu gu hwindzo ni Muhwadambo,
kharato nugo a ngu ndreyisa vbakari gwathu sighoho sathu.
13Kha nga babe a tsetselelago sanana saye,
kharato nugo Pfhumu Nungungulu a ngu tsetselela vale va mu ningago githawo.
14Kholu a ngu dziti edzi hi wumbidwego khidzo,
a ngu alakanya gukhuye ethu hi libumba basi.
15Matshigu nya guvbanye nya muthu ma gu fanana ni mwasi;
wa gu dandra, wu rumbuga nga senge sa khabini.
16Ya gu furugedza phuvbo sa gu wu na si mwalalega,
si hongola wulanga nyamba tidwa.
17Aholu, wuhindzi wa Pfhumu Nungungulu,
wu ngu simama kala gupindruga
ga vale va mu ningago githawo,
gululama gwaye gu ngu wonega kala ga situgulwana sawe;
18ga vale va sayisago gidzumeledzwano gyaye,
va si divaligo gu landrisa milayo yaye.
19 Pfhumu Nungungulu tiyiside gikhalo nya wufumu Waye Ndzadzini,
wufumu waye womo vbatshani nya silo satshavbo.
20Bongani Pfhumu Nungungulu enu dzingilozi dzaye,
enu mu gu na ni tshivba
mu landrisago milayo yaye ni gu yingisa magana yaye.
21Bongani Pfhumu Nungungulu enu sivangwa saye satshavbo,
enu sithumi saye ni gu gira gugola gwaye.
22Bongani Pfhumu Nungungulu enu mithumo yaye yatshavbo,
malangani yatshavbo ma guromo vbavbatshi nya wufumu waye!
Uwe monyo wangu
rungudza Pfhumu Nungungulu.
Currently Selected:
Dzindzimo 103: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
