Mavingu 9
9
Buzo nya guti
1Guti gu dzi vbahede nyumba yaye,
gu tsitside madingo yaye nya livbandre na mavili.
2Gu songide sirengo saye,
gu dongisela wadwa,
gu ladzide meza yaye.
3Gu rumede sithumi saye nya vanyamayi,
gu ya ramba vathu
gukhugela malangani nya gukhugege nya lidhoropani,
si huwelela, khiso:
4“Enu mwatshavbo nyambana mapimo, deluni
gwangu!”
Ga avo va gumwalo mapimo, khiso:
5“Deluni mu ta hodza guhodza gwangu
ni gu selani wadwa nyi dongisedego.
6Hambanani ni va nya guvivbedwa khu monyo,
mu na vbanya,
gimbilani khu ndzila nya mapimo.”
7Uye a kawukago muhembululi,
a gu dzi vbwetela givalo,
ni wule a kawukago gipumbu,
a gu dzi vangela libawa.
8U nga kawuki muhembululi,
kholu a nga gu zondra,
kawuka muthu nya mapimo, kholu a na gu gola.
9Laya muthu a gu ni guti,
kholu a na engedzela guti ngudzu,
hevbudza muthu nya gululame,
kholu a na engedzela guti gwaye.
10 # Wona gambe: Job 28:28; Dzind 111:10; Mav 1:7. Litshina nya guti,
khu gu thava Pfhumu Nungungulu,
wugengeli ni mapimo khu guti uye a Agidego!
11Kholu, khu kotani ya eni, guti,
matshigu yago ma ngu engedzedwa,
ni myaga nya guvbanye gwago,
yi na engedzedwa.
12Wa gu bani uri ni guti, u na phaswa khugo,
aholu wa gu bani uri muhembululi,
u na tshaniseka.
13Nyamayi nya gipumbu, khwa gu gira ligwaha,
lipemi, ni gu mbati gilo.
14Uye a gu khala nyangwani nya nyumba yaye,
a khala vbagikhalotunu, malangani nya sigomo
ya dhoropani,
15a fela gu rana avo va vbindrago khu ndzila,
na va thonona umo va hongolago, khuye:
16“Uye a gu gipumbu a nate eno!”
Ni ga vale va gu mwalo mapimo, khuye:
17“Mati nya gubidwe, ma gu lombela ngudzu,
ni guhodza gu hodzwago gusihalani, gwa gu
tshamba ngudzu.”
18Aholu uye kha dziti gukhuye ndrangani gwaye,
lomo lufu,
ni vale a va rambidego vomo phalani nya vafi.
Currently Selected:
Mavingu 9: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
