Mavingu 8
8
Wuzundzo nya guti
1Guti gu ngu huwelela,
ni mapimo ma ngu pwadza malito yaye;
2Gwa gu ema khu vbatshani nya sigomo,
ni mahandzakanyani nya dzindzila;
3gwa gu ema khu dzindzilani
ni dzinyangwani nya lidhoropa gu laledza khugo:
4Nyi ngu mi embelani enu vathu;
lito langu la guvbweta sanana satshavbo
nya vathu.
5Enu nyambana mapimo gengelani;
enu sipumbu hevbulani gupimisa.
6Dembani ndzeve mu yingisa, kholu nyi ngu hadza
gu mi embela mahungu nya makhongolo,
likana langu li na tulega li ganela silo nya lisine.
7Kholu likana langu li na ganela lisine,
ni kanani gwangu kha gu goli silo nya guvivbe.
8Magana yatshavbo ya konani gwangu ma lulamide;
ga ayo, gi mwalo nya guvivbe mwendro nya gusengedzele.
9Ma lulamide ga vale va ma yingisago,
ma pimega ga vale va gu ni guti.
10Hakhani sihevbudzo sangu, mu si gola ngudzu guvbindra parata,
mu hakha guti guvbindra ndralama yi hutidwego;
11kholu guti gu na ni lisima guvbindra sombo
nya gukhedzige,
gimwalo nya esi si golegago gi dzi kodzado gu dinganiswa mi guti.
12Eni, guti, nya gu vbanya gumogo ni wugengeli,
nyi mana guti khu maalakanyo nya wugengeli,
13Uye a thavago Pfhumu Nungungulu,
a gu nyenya silo nya guvivbe;
nyi ngu nyenyana ni matshandza, gu dzi khusedza,
dzindzila nya guwegele,
ni magana nya gunyenyeze.
14Iso si lumbago eni, khu wusingalagadzi ni guti nya lisine;
eni kheni gupimisa, nyi na ni tshivba.
15Vafumeli va gufuma khu tshivba yangu,
ni manganagana ma gu leletela gululama.
16Kheni nyi fumisago vamwamangulu vatshavbo, vathangeli;
ni valamuli vatshavbo va mafuni.
17Nyi ngu gola vale va nyi golago,
avo va nyi vbwetago, va na nyi mana.
18Thomba ni wuzundzo somo avbo gwangu,
thomba ni gululama si si vbeligo.
19Mihandro yangu yi na ni lisima guvbindra
ndralama yi hutidwego,
ni dzimbewu dzangu, dzi na ni lisima guvbindra
parata yi hutidwego.
20Nya gu gimbila khu ndzila nya gululame,
vbakari nya wulamuli wu lulamidego.
21Nyi kodza gufumisa avo va nyi golago,
nyi va ghanyisa khu thomba nya yingi.
Tumbunugo nya guti
22 # Wona gambe: Gutu 3:14. Pfhumu Nungungulu a nyi giride gukhugela guhegulani
na si gu vangi gimbe gilo,
nyi khala na nyiri matiwula nya thumo waye watshavbo.
23A nyi emiside gukhugela gupindrugani,
na gu si vangwi litigo.
24Gu si gu vangwi linene,
na gu si gu manegi ni sifefe
nya mati,
eni nyi di velegidwe.
25Na gu si gu wumbwi sigomo,
ni sigomwana si si gu manegi,
eni nyi di velegidwe gale.
26 Pfhumu Nungungulu na si gu vangi litigo,
ni magabi,
na si gu vegedzeli siseketelo nya mafu.
27Nyi di romo, gikhati Uye a nga phela gu gira damboni
gu randredwa khu ndrengelenge nya mati.
28Nyi diromo, gikhati a nga ladza mapfhi damboni,
gikhati a nga bugisa sifefe nya ndrengelenge.
29Gikhati a nga gira mivbingano nya linene
gasi mati ma si ndragi sigomo;
gikhati a nga tsitsa giseketelo nya mafu,
30nyi di khade bambe gwaye,
nyi fanana ni muthu a wutigo thumo,
khu litshigu ni litshigu nyi gu mu tsakisa,
gikhati gyatshavbo nyi di gu tsaka mbeli gwaye.
31Nyi di gu tsaka tigoni a gu giridego,
nyi tsakiswa khu vathu vaye.
32Vanavangu, olu, nyi yingiseni, mupwa esi:
Kholu va na bani va kategide vale va na gulandrisago dzindzila
dzangu.
33Yingisani sihevbudzo sangu, mu na khala
vathu nya guti.
Kha nyi vbweti mu hambane naso.
34Kategile wule a nyi yingisago,
a khedzago ndrangani gwangu matshigu yatshavbo,
a lirelago mihasimoni nya mwanya wangu.
35Kholu uye a na nyi manago, a na mana
guvbanya,
a na mana makategwa ga Pfhumu Nungungulu.
36Aholu uye a nyi ghohelago,
a gu songa hefemulo waye,
ni vatshavbo va nyi nyenyago, va gu gola lufu.
Currently Selected:
Mavingu 8: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
