Mavingu 7
7
Sileletelo nya gu dzi wonele ga nyamayi nya gibhayi
1Mwanangu, vegedza magana yangu,
sayisa monyoni gwago milayo yangu.
2Vegedza milayo yangu u na vbanya,
sihevbudzo sangu si wone,
kha nga nyamahegyane a godwago
khu maho yago.
3Si hunge kha nga simburiselo dzinyalani gwago,
u si lova monyoni gwago.
4Embela guti, khuwe: “Uwe khuwe ndriyangu,”
wugengeli u wu rana nongo wago;
5gasi si gu ndreyisa ga nyamayi nya gibhayi,
uye a sengedzelago khu magana nya gulombele.
6Kholu nyi diri khu vbagihogotunu nya nyumba yangu,
nyi di khedzisa khu mudzisimbini,
7nyi wona vbakari nya madzaha nya va nyalidede
nyi tugula lidzaha limwedo nyambana
mapimo.
8Ilo li di guvbindra khu ndzila, li ndreya li thonona
nyumbani ga nyamayi wule;
9li di guhwa lidambo, na gu phumanyana,
gu khala wutshigu.
10Nyamayi wule a di duga a mu khinga na ambade
sombo nya wuphuphulu,
monyo waye na wu tade khu wudambane.
11Nya gugwaruge ni gu ganela ngudzu;
migondro yaye yi di si emi ndrangani gwaye.
12A gimbila dzindzilani, ni wutshanganeloni
nya vathu,
ni mahandzakanyani nya dzindzila;
a khedza eno ni eno.
13A di hidzimela ga lidzaha a li bhejari,
khu khovbe nyambana dzitshoni na gukhuye:
14“Nyi sambanyide gu gira miphaselo nya gubonge,
muhuno nyi tadziside gifungo gyangu.
15Khu guralo, nyi khugide khu gaya nyi gu khingamedza,
nyi gu vbwetide ngudzu, olu nyi gu mane.
16Nyi ladzide vbadawutunu gwangu, myendra
nya wumburi,
yi lugidwego khu dzikhindra nya wumburi,
dza Egipito.
17Nyi theledzede vbadawutunu gwangu mafura nya gunungele
nya guhambanelane.
18Delu hita dzi buza khu lihaladzo kala gugya;
hi buza gutshamba nya lihaladzo!
19Kholu mwama wangu mwalo ndrangani,
endride a hongola hwindzo.
20Hongode ni kwama nya dzitsapawu,
a na wuya ngima na wuri vbakari.”
21A di li kanganyisa khu magana yaye
nya gutale,
a mu ndrindredzela khu magana nya gulombele.
22A dzegela gu mu landra nga mombe yi yiswago
gusongwatunu,
mwendro gipumbu gi yiswago gutshaniswatunu;
23Kala gighalala gi hekha libindri laye,
nga ginyoni gi belago gikayelani,
gi si dziti gu khigyo gi na mbembisa hefemulo wagyo.
24Khu guralo, vanavangu, dembani dzindzeve mu yingise
magana yangu.
25Nyamayi yoyu a nga tshuki a gu senga,
ambari gudzimela u landra ndzila yaye.
26Kholu sasede nya vangi,
a mbembisa gidzemo nya gingi.
27Nyumba yaye ndzila yi relelago thowoni,
yi yisago phalani nya vafi.
Currently Selected:
Mavingu 7: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
