Mavingu 27
27
1 # Wona gambe: Jak 4:13-16. U nga dzi zundzi khu litshigu la mindru,
kholu litshigu la muhuno khu siti iso si na gu dugelela.
2Zundzwa khu vambe vathu guvbindra gu dzi zundza
wabune,
zundzwa khu muthu wa mambe mayigo, guvbindra gu dzi zundza wabune.
3Mafu ni siwindri si ngu lemela ngudzu,
aholu gu zangaredwa khu gipumbu, gu lemede ngudzu guvbindra iso.
4Likhulo li vivbide, ni gugoroga i talo nya mati,
aholu khu mani a tiyelago lidiwo?
5I tshukwana wule a kawukago guwonegelani,
guvbindra lihaladzo nya gusengedzele.
6I tshukwana gu thedwa dzimbanga khu pari,
guvbindra gu ningwa besu khu nala.
7Uye a khuridego, a ngu nyenya ambari ni wulombe,
aholu uye a gu ni ndzala ambari nya guvave,
satshavbo gutshamba.
8Kha nga ginyoni gi vbuvbelago hwindzo
ni gihaga gyaye,
kharato nugo mwama, a digago ndranga yaye.
9Mafura ni libani sa gu resa gutsaka monyoni,
kharato nugo pari ya gupwa gutshamba,
khu wupari nya wadi.
10U nga hambani ni pari yago, ambari ni
pari ya babe wago;
ambari guya ndrangani ga ndriyago,
khu litshigu nya sigaradzo;
i tshukwana guya ga muakelane a gu
romo vbafuvbi,
guvbindra ga ndriyago a guromo hwindzo.
11Mwanangu, tala khu wugengeli nya mapimo u
tsakisa monyo wangu,
gasi nyi na kodza gu ninga phindrulo uye
a nyi hembululago.
12Muthu nya mapimo a ngu wona mhango na yi ngari
hwindzo a sihala,
aholu gipumbu gya gu yi thonona gi ya mana
gutshaniseka.
13Uye a khalago fakazi nya nandru wa muthu
a si mu mutigo,
a na dzegedwe guambala gwaye.
Mu livbiseni khu kota nya nyamayi nya liphuphulu.
14Uye a losago muthu khu gu mu laledza gu ngari
dzimindru,
gu fanana ni gu mu yuyutela.
15Gu bani nuri ni nyamayi nya siregerege,
gu fanana ni gu khala nyumbani nya gurute litshigu
nya guwe ndzadzi.
16Uye a mu degudzago, gu fanana ni gu
degudza phuvbo,
mwendro gufumbaredza mafura mandzani.
17Kha nga simbi ni simbi dzi lodzanago,
kharato muthu nuye, a ngu gorogisa muthu
kwawe.
18Muthu a sayisago dimwa,
a na hodza mihandro yaye,
kharato gambe uye a sayisago mune waye,
a na zundzega.
19Gukhwatshi khu khovbe yi wonegago matini yi fanana
ni mune,
kharato nuye muthu a hingegedzago khu monyoni gwaye
a ngu dzi pima gukhuye, khuye mani.
20Gumbembiswa nya guhegise gumogo ni lithowo,
gima kha si khuri,
kharato nayo maho nya muthu, gima kha ma eneledwi.
21Ndralama ni parata sa gu nyiviligiswa khu nilo
kharato nuye muthu a gu lingwa khu wuzundzo waye.
22Gipumbu ambari gya hindzwa kununi nga mavbila,
gima kha gi hambani ni wupumbu waye.
23Dzi garadze khu gu vbweta guti makhalelo nya
dzinvuta dzago
sayisa gwadi mitshambi yago,
24kholu dzithomba kha dzi simami, dzi ngu vbela,
ni gihugu nya wufumu kha gi lumbi livelego latshavbo.
25Avbo gu duswago mwasi nya gubange, gu buga nyenvu,
gu wungedzedwa mwasi musigomoni,
26mawoya nya dzinvuta ma na gu ninga guambala,
dziphongo dzi na gu rengela lithembwe.
27Dziphongo dzi na gu ninga mahwe nya mangi,
u hodza u khura, u hodzisa ndranga yago,
bwelo khavbo u hodzisa sithumi sago nya vanyamayi.
Currently Selected:
Mavingu 27: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
