Mavingu 25
25
V. Mambe Mavingu ya Solomoni
(Mavingu 25:1—29:27)
1Aya gambe mavingu ya Solomoni,
ma lovidwego khu vathu va Ezekhiya,
mufumeli wa Judha.
2Wudhumo wa Nungungulu khu gu siha silo nya gukari,
aholu wudhumo wa vafumeli, khu gu zama gu tugula misiholo.
3Kha nga ndzadzini gu khugegidego,
ni mafu ma etidego,
kharato nugo nyonyoni ga vafumeli kha gu holeledwi.
4Dusa manyelo nya parata,
muwumbi a na gira khayo khali.
5Gwa gu duswa sighohi mbeli ga mufumeli,
gululama gwa gu tiyiswa vbagikhalotunu
gwaye nya wufumu.
6U nga dzi zundzi mbeli ga mufumeli,
ambari gu lomba gu khala wulangani ga vathu
nya guthavisege;
7 # Wona gambe: Luk 14:8-10. kholu gutshambide guranwa khu mufumeli gupwani:
“Hidzimela eno,”
guvbindra gupoyidwa
mbeli ga mufumeli nya litigo.
8Wa gu wona silo, u nga vbiredzeli guya ketsari,
kholu muakelane wago a gu danga,
u na khuwe ginani?
9Lamulana ni muakelane wago,
aholu u nga tugudzisi misihalo ya vakwanu;
10Kholu oyu a gupwago, a na gu thela
dzitshoni,
noda yago yi si tshugi.
11Mahungu ma ganedwago khu gikhati gyaye,
kha nga sifananiso nya makandzu nya ndralama
ma tshavedwego
somboni nya parata.
12Mulayi a layago khu wugengeli, ga muthu
a yingisago,
a gu fanana ni phera nya ndralama,
mwendro wulungu nya ndralama yi hutidwego.
13Mwango wu tumbegago ga avo va
mu rumago,
wa gu fanana ni thondrwane gikhati
nya guvbwere,
kholu, a ngu pepemedzisa mihefemulo ya
vamune vaye.
14Muthu a dzi zundzago khu miningelo a ngamba mi dusa,
a gu fanana ni mapfhi ni phuvbo yi si wisigo
ndzadzi.
15Gutimisela gu ngu khongotela linganagana,
ni lidimi nya gutiye, li ngu kodza gupandra
sikongolo.#25:15 Mwendro gu vbedza tshivba nya gigaha.
16Wa gu mana wulombe, hodza basi
pimo wu gu ninganago,
kholu u nga kodwa khuwo u bwelo khavbo
u wu gosa.
17U nga tadzi migondro ndrangani
ga muakelane wago,
kholu, a nga garala khuwe, a phela
gu gu venga.
18Muthu a fakazago malipha, a wugela
muakelane waye,
a gu fanana ni litshari, gighomba ni giholoma
nya gulodzwe si songago.
19Gutumba mukanganyisi gikhatini nya sigaradzo,
gu fanana ni likwaha nya gupandrege mwendro
gugimbila khu litundru nya guhase.
20Uye a embelelago ndzimo ga muthu
a gu ni wuvi,
a gu fanana ni gu tshula libhadzi litshigu nya
girame,
mwendro gu mu thela ginageri
vbagilondratunu.
21Nala wago a gupwa ndzala, mu ninge guhodza
a hodze,
a gupwa lidora, mu ninge mati a sele.
22 # Wona gambe: Rom 12:20. Kholu wa gu gira kharato, uwe u na wungedzela
magala nya gudzure hungoni gwaye,
Pfhumu Nungungulu a na gu ninga tshatshazelo.
23Phuvbo nya ronga gu resa ndzadzi,
kharato, muthu nya milembo guthuvigisa siwombo.
24I tshukwana gu khala vbalangwetunu nya nyumba,
guvbindra gu khala khu ndrangani gakone,
ni nyamayi nya siregera.
25Mahungu nya yadi ma dugelago tigoni ga
hwindzo,
ma gu fanana ni mati nya gudzidzile ma tshimago
lidora.
26Muthu nya gululame a ndrendremelago mbeli
ga muthu nya guvivbedwe khu monyo,
a gu fanana ni nambo wu wunvudzwago, mwendro
mati ma tadego khu ndzilo.
27Guhodza ngudzu wulombe khandri gwadi,
kharato nugo wuzundzo nya gu dzi vbwetele, khandri wuzundzo.
28Muthu a gumba kodza gutimisela,
a gu fanana ni lidhoropa likhokhola laye
li khungumugidego.
Currently Selected:
Mavingu 25: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
