Mavingu 24
24
1U nga dogoreli vathu nya guvivbedwe
khu monyo,
ambari gu dogorela gu khala navo.
2Kholu makungo nya myonyo yawe khya
wughevenga,
khu maganani gwawe gu duga magana nya
wuwugeli.
3Nyumba ya gu vbahwa khu guti,
yi tiyiswa khu mapimo.
4Khu guti,
va gu tadza makhuvini gwawe khu sombo nya lisima
nya gutsakise.
5Muthu nya guti a na ni tshivba,
ni uye nya mapimo a ngu dzi
engedzela tshivba;
6kholu u na wusa nyimbi khu wugengeli nya wusingalagadzi,
u mana hure khu gu bani nuri ni vasingalagadzi
nya vangi.
7Gipumbu kha gi maneli avbo gu guromo guti
litshigu nya gulamudwe gi na tandrega ni
gutula likana.
8Uye a lugago gikungo nya silo nya guvivbe,
a na ranwa gupwani muvangi nya matshoho.
9Maalakanyo nya gipumbu, khu gu gira gighoho,
muthu nya matshoho nyenyezide ga vatshavbo.
10Wa gu dugedwa khu mhango u vbela tshivba,
gu yeyedza gupwani khwa tiya.
11Vbulugisa vale va konedwego gu songwa,
ni gu vhikela avo va yiswago gusongwani.
12Wa gu ganela, khuwe: “Ethu kha hi siti
iso si nga bani na si gu dugelela!”
Ina wule atigo mapimo nya vathu, kha na
siti, gani?
Uye a sayisago womi wago, kha na siti, gani? Ina Uye kha na bweledzela muthu mayelano
ni mithumo yaye, gani?
13Hodza wulombe mwanangu,
kholu wu ngu tshamba,
gipapu nya wulombe gya gu lombela kanani
gwago.
14Dziti nya gukhuwe guti gu na gira nga wulombe
guvbanyani gwago,
wa gu gu mana, khu na kanakana khiso si na
gu dugelago khu matshigu ma nga gutago,
ni gitumbo gyago, gi na bani nari gya lisine.
15U nga dembeli muthu nya gululame
na khade ndrangani gwaye,
kha nga idzo a girago muthu nya guvivbedwe khu monyo,
ambari gu sasela ni wulanga waye a
hefemulago avbo;
16kholu muthu nya gululame, ambari a thega
livbandre na dzimbili dzinyondro, uye a na wuga,
aholu vathu nya guvivbedwe khu monyo,
litshigu nya mhango, va na thegela muphelo.
17U nga ghiyi khu guthega ga nala wago,
gambe u nga nengeli khu gutshunganela gwaye;
18kholu Pfhumu Nungungulu a na si wona a si
si tsakeli,
a ndreyisa likhulo laye avbo gwaye.
19U nga vbisi hungo khu vathu nya sighohi,
ambari gu dogorela vathu nya guvivbedwe
khu monyo.
20Kholu va nya guvivbedwa khu myonyo kha
va na wona matshigu nya yadi,
ni mwenge nya sighohi, wu na tshimega.
21Mwanangu, thava Pfhumu Nungungulu,
gumogo ni mufumeli,
u nga dzi tshanganisi ni vale va golago pfilupfilu.
22Kholu mhango yawe yi na vboha khu githugedza,
khu mani a litigo litshigu nya gumbembiswe ga
vathu vava?
IV. Mambe mavingu ya vathu nya guti
(Mavingu 24:23-34)
23Aya gambe mambe mavingu ya vathu nya guti;
gulamula khu gukhedza khovbe nya muthu,
si vivbide.
24Uye a na gu embelago gighohi, khuye:
“Gimwalo nandru,”
a na vadwa khu vathu nya vangi,
a na nyenywa khu mayigo nya mangi.
25Aholu uye a na tsayisago gighohi,
a na tsakedwa ngudzu,
bwelo khavbo a ningwa makategwa nya gutale.
26Uye a ningago phindrulo nya yadi,
a gu fanana ni wule a ningago besu#24:26 besu khiyo yi ranwago khu giputukezi pwani i bheju.
sigundruni.
27Phela khu gu lulamedza mithumo yago
ya vbavbandze,
u sayisa mahange yago,
khavbo u na wumbago lipango.
28U nga khali fakazi nya malipha u lumbedza
muakelane wago vbavbandze nya nandru,
ambari gu mu kanganyisa khu magana yago.
29U nga ganeli gambe, khuwe:
“Nyi na mu bweledzela kha nga idzo,
a nyi giredego;
a na livba khiso a nyi giredego.”
30Nyi vbindride khu thembweni ga ngara,
ni bambe nya lithembwe la muthu nyambana mapimo;
31nyi di mana lithembwe na li khumide khu miba
mwasi na wu fenengedzide dzimbewu,
ndzari nya libhiyo na yi thegide,
siwindri na si mbambamede vbavbatshi.
32Avbo nyi nga si wonago nyi di ema nyi pimisa,
khavbo avbo nyi di mana gihevbulo.
33Wa gukhuwe: “Nyi nga gu gha-ghaa! Nyi lala
vbadugwana,”
nyi gumbarana mawogo nyi hefemula.
34 # Wona gambe: Mav 6:10-11. Khu guralo, wusiwana wu na vboha kha
nga mbafa,
ni ndzala yi nata kha nga gighevenga.
Currently Selected:
Mavingu 24: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
