Mavingu 12
12
Avo nya vadi ni avo nyambasi vadi
1Uye a golago gu kawukwa, a gu gola guti,
aholu uye a si dzumeligo gu kawukwa,
mwalo mapimo.
2Muthu nya wadi a gu tsakisa Pfhumu Nungungulu,
aholu Uye a ngu tsayisa uye nya guvivbedwe
khu monyo.
3Muthu nya guvivbedwe khu monyo, kha hweli gu thega,
aholu uye a lulamidego kha khuyugi,
kholu a na ni mikhamba yi tiyidego.
4Nyamayi nya ndruda, gihugu nya wufumu hungoni
ga mwama waye,
aholu uye a thelago dzitshoni mwama waye,
madwali ma hinisago sikongolo saye.
5Makungo ya vathu nya gululame khyadi,
aholu wusingalagadzi wa va nya guvivbedwa
khu monyo, khwa gu kanganyisa.
6Magana ya vathu nyambasi vadi
i naphwi nya gusonge,
aholu ya va nya gululama maganelelo yawe
khya guvbanyisa.
7Va nya guvivbedwa khu myonyo
va na mbembiswa va fuva,
aholu nyumba ya avo va lulamidego
yi na simama yi tiya.
8Muthu a gu zundzwa khu kotani nya guti gwaye,
aholu muthu nya guvivbedwe khu monyo,
va na hembuludwa.
9Tshukwana gu khala muthu nya nyalidede tigoni
nuri ni vathu va gu thumelago,
guvbindra gu dzi khusedza,
nuri mwalo guhodza.
10Muthu nya gululame a ngu sayisa gwadi
sifuyo saye,
aholu makungo ya muthu nya guvivbedwe khu monyo,
khya tshanisa.
11Uye a dzi limelago lithembwe
a na hodza a khura,
aholu uye a landrelago silo nyamba phasa gilo,
mwalo mapimo.
12Muthu nya guvivbedwe khu monyo,
a gu dogorela phango wa va nya guvivbedwa khu monyo,
aholu mikhamba ya valulamidego
ya gu velega mihandro.
13Muthu nya guvivbedwe khu monyo, a gu dzi modzisa
khu magana yaye nya guwegele,
aholu uye a lulamidego a na vbuluga musigaradzoni.
14Muthu ni muthu a gu hakha handro nya
iso a si dusago khu kanani gwaye,
ni gu mana tshatshazelo nya sile a girago
khu mandza yaye.
15Muthu nya guvivbedwe khu monyo, a gu pimisa
gukhuye satshavbo a girago khyadi,
aholu uye a lulamidego a gu laywa, a gu yingisa.
16Gipumbu gya gu dzegela gu yeyedza likhulo laye,
aholu muthu nya mapimo a ngu dzi phara,
a gu vadwa.
17Uye a ganelago lisine i fakazi nya yadi,
aholu fakazi nya malipha, mukanganyisi.
18Vomo va dusago magana nya gupaye
kha nga litshari,
aholu lidimi la va nya guti,
la gu ninga womi.
19Magana nya lisine ma gu simama
kala gupindruga,
aholu lidimi li ganelago malipha, kha li vbohi hwindzo.
20Monyoni ga vathu nyambasi vadi,
gu tade khu wukanganyisi,
aholu gutsaka gomo myonyoni ga vale
va vbwetago gurula.
21Muthu nya gululame kha thegedwi khu libango,
gasi uye nya guvivbedwe khu monyo,
a na taledwa khu sigaradzo.
22 Pfhumu Nungungulu a ngu vengana
ni va nya malipha,
aholu a gu tsakiswa khu avo va ganelago lisine.
23Muthu nya mapimo a gu siha guti gwaye,
aholu gipumbu gya gu laledza wupumbu wagyo.
24Uye a dzi garadzago khu guthuma a na fuma,
aholu ngara a na rwegwa dzinyandra nya gulemele.
25Uye a vbisegago a ngu vbela tshivba,
aholu magana nya yadi ma gu mu tiyisedza
26Muthu nya gululame a gu yeyedza ndzila dzipari dzaye,
aholu ndzila ya va nya guvivbedwa khu monyo,
ya gu va yisa gumbembani.
27Ngara kha wuyi ni gilo khu gusotatunu,
aholu gu dzi garadza khu guthuma,
khiyo a gu thomba nya muthu.
28Guvbanya gomo ndzilani nya gululame,
uye a yi landrisago gima kha mani lufu.
Currently Selected:
Mavingu 12: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
