Popular Bible Verses from Mavingu 12

Share

Uye a vbisegago a ngu vbela tshivba, aholu magana nya yadi ma gu mu tiyisedza

Uye a golago gu kawukwa, a gu gola guti, aholu uye a si dzumeligo gu kawukwa, mwalo mapimo.

Vomo va dusago magana nya gupaye kha nga litshari, aholu lidimi la va nya guti, la gu ninga womi.

Muthu nya guvivbedwe khu monyo, a gu pimisa gukhuye satshavbo a girago khyadi, aholu uye a lulamidego a gu laywa, a gu yingisa.

Gipumbu gya gu dzegela gu yeyedza likhulo laye, aholu muthu nya mapimo a ngu dzi phara, a gu vadwa.

Nyamayi nya ndruda, gihugu nya wufumu hungoni ga mwama waye, aholu uye a thelago dzitshoni mwama waye, madwali ma hinisago sikongolo saye.

PFHUMU Nungungulu a ngu vengana ni va nya malipha, aholu a gu tsakiswa khu avo va ganelago lisine.

Muthu nya gululame a gu yeyedza ndzila dzipari dzaye, aholu ndzila ya va nya guvivbedwa khu monyo, ya gu va yisa gumbembani.

Magana nya lisine ma gu simama kala gupindruga, aholu lidimi li ganelago malipha, kha li vbohi hwindzo.