Mitengo 33
33
Liendro nya gukhugele Egipito kala Mowabhi
(Ekisodha 13:17—14:14)
1Aya khu magimbilelo va gimbidego khayo va na Israyeli gukhugela guduga gwawe khu Egipito, gukhedza khu mabutho yawe na va gu thangedwa khu Mosi ni Aroni. 2Mosi a di lova makhugelo yawe ni magimbilelo yawe umo va zumbidego, kha nga idzo a leletedego khidzo Pfhumu Nungungulu, gasi magimbilelo yawe mayelano nidzo va khugidego khidzo khaya:
3Va khugide khu Ramesi khu litshigu nya likhumi na livbandre nya ngima nya guhegule, a gu eli li handzamedzago litshigu nya Phasika, va na Israyeli, va di duga khu tshivba nya yikhongolo na va gu wonwa khu Vagipiti. 4Vagipiti va di gu dzinga avo Pfhumu Nungungulu a nga va songago vbakari gwawe, sanana sawe satshavbo nya matiwula; kholu Pfhumu Nungungulu a di wugela vanungungulu vawe, a gu wonegisa gulamula gwaye.
5Va na Israyeli va di khuga khu Ramesi vaya zumba tigoni ga Sukoti.
6Va khuga khu Sukoti vaya zumba tigoni ga Etani, gu manegelago mahegiso nya giwula.
7Va khuga khu Etani, va bwelela Pi-Hayiroti, gu nga bani gu khedzana ni Bhahali-Zefoni, vaya zumba mbeli ga Migidholi.
8Va khuga khu Pi-Hayiroti, va tsemakanya yiphwa khu vbakari ni vbakari va bela giwulani, va gimbila matshigu mararu giwulani ga Etani, vaya zumba tigoni ga Mara.
9Va di khuga khu Mara va vboha Elimi, avbo gu nga bani gu romo likhumi na sivili sifefe nya mati, ni livbandre na mavili magumi migindru; khu guralo, va diya zumba avbovbo.
10Va di khuga khu Elimi, vaya zumba vbafuvbi ni Yiphwa nya Gufuvile;
11va di khuga, va diga Yiphwani nya Gufuvile, vaya zumba giwulani ga Sine;
12va khuga khu giwulani gya Sine, vaya zumba Dhofika;
13va khuga khu Dhofika vaya zumba Alusi;
14va khuga khu Alusi vaya zumba Refidhimi; avbo gu nga bani guri mwalo mati nya gusele vathu;
15va khuga khu Refidhimi vaya zumba giwulani gya Sinayi;
16va khuga khu giwulani gya Sinayi, vaya zumba Kibhiroti-Hatahavani;
17va khuga khu Kibhiroti-Hatahavani, vaya zumba Hazeroti;
18va khuga khu Hazeroti, vaya zumba Retima;
19va khuga khu Retima, vaya zumba Rimoni-Peresi;
20va khuga khu Rimoni-Peresi, vaya zumba Libina;
21va khuga khu Libina, vaya zumba Risa;
22va khuga khu Risa, vaya zumba Keyelata;
23va khuga khu Keyelata, vaya zumba gigomoni gya Seferi; 24va khuga khu gigomoni gya Seferi, vaya zumba Haradha;
25va khuga khu Haradha, vaya zumba Makeloti;
26va khuga khu Makeloti, vaya zumba Tahati;
27va khuga khu Tahati, vaya zumba Tera;
28va khuga khu Tera, vaya zumba Mitika;
29va khuga khu Mitika, vaya zumba Hasimona;
30va khuga khu Hasimona, vaya zumba Moseroti;
31va khuga khu Moseroti, vaya zumba Bhene-Jahakani;
32va khuga khu Bhene-Jahakani, vaya zumba Hori-Hagidigadhi;
33va khuga khu Hori-Hagidigadhi, vaya zumba Jotibatani;
34va khuga khu Jotibatani, vaya zumba Abhirona;
35va khuga khu Abhirona, vaya zumba Eziyoni-Gebheri;
36va khuga khu Eziyoni-Gebheri, vaya zumba giwulani gya Zimi, a gu tigoni ga Kadesi;
37va khuga khu Kadesi, vaya zumba gigomoni gya Hori, mahegiso nya litigo la Edhomi.
Gufa ga Aroni
(Mitengo 20:22-29)
38 # Wona gambe: Mit 20:22-28; Dhet 10:6; 32:50. Muphasi nya mhamba Aroni a di gwela gigomoni ga Hori, kha nga guruma ga Pfhumu Nungungulu, a yafa avbovbo, na gu vbindride magumana myaga hwane nya guduge va na Israyeli khu tigoni ga Egipito, esi si giregide khu litshigu nya guhegule nya ngima nya livbandre. 39Gikhati a fudego Aroni gigomoni gya Hori, a diri ni tanga nya lizana ni magumavili na miraru (123) myaga.
40 # Wona gambe: Mit 21:1. Khavbo avbo, Aradhi, mufumeli wa Vakhanani a nga bani a vbanya Negebhe, Marandzi nya litigo la Khanani, a dipwa gupwani va na Israyeli va nguta.
41Khu guralo, va di khuga khu gigomoni gya Hori, vaya zumba Zalimuna;
42va di khuga khu Zalimuna, vaya zumba Punoni;
43va khuga khu Punoni, vaya zumba Obhoti;
44va khuga khu Obhoti, vaya zumba Ye-Abharimi vbinganoni ga Mowabhi;
45va khuga khu Ye-Abharimi, vaya zumba Dhibhoni-Ghadhi;
46va khuga khu Dhibhoni-Ghadhi, vaya zumba Alimoni-Dhibhalatayimi;
47va khuga khu Alimoni-Dhibhalatayimi, vaya zumba sigomoni sa Abharimi, si khedzanidego ni Nebhu;
48va khuga khu sigomoni sa Abharimi, vaya zumba kovani wa Mowabhi, vbafuvbi ni Joridhani, a khedzanidego ni Jeriko; 49va di ya zumba vbafuvbi ni Joridhani gukhugela Bheti-Jesimoti kala Abheli-Sitimi, mapanini ga Mowabhi.
Nungungulu a ngu rumela gu tutumisa Vakhanani
50 Pfhumu Nungungulu a di embela Mosi, panini ga Mowabhi, vbafuvbi ni tsongo wa Joridhani tigoni ga Jeriko, khuye: 51“Embela va na Israyeli, khuwe: Gikhati mu tshatugago tsongo wa Joridhani gasi gu bela tigoni ga Khanani, 52gu vbwetega mu tutumisa mbeli gwanu vavbahi vatshavbo va tigoni momo, mu phalalegisela sifananiso satshavbo nya vanungungulu vawe nya gugirwe khu simbi mu khungumulela malanga yawe yatshavbo nya gukhugege. 53Wandrani litigo, mu vbaha umo, kholu Eni nyi mi ningide li khala thomba yanu. 54#Wona gambe: Mit 26:54-56. Mu na kabanisela litigo khu gu lola dzisolo vbakari nya dzindranga dzanu; mu na ningela thomba nya yingi ga avo va gu vangi, mu ninga nya yidugwane ga avo va gu vadugwana, muthu ni muthu a na hakha esi si mu lumbago kha nga edzi solo yi lolago khidzo, gukhedza khu mahundzu ya vababe vanu.
55Aholu mwa gumba tutumisa mbeli gwanu vavbahi vatshavbo va tigoni, vale mu na va digago va khala vbakari gwanu, va na khala kha nga dzitshingano mahoni gwanu, ni miba nya renge musiwununi gwanu; va na mi thusedzela ga litigo mu na li dzegago. 56Khu guralo, Eni nyi na gira gwanu iso nyi nga vbweta gu gira gwawe.”
Currently Selected:
Mitengo 33: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
