Joba 39
39
1Ina u ngu giti gikhati dzi velegago dziyisya;
ahati mwendro u wonide vamangulu
na va gu velega?
2U ngu dzi kodza gu saya migima si vbedzago nasiri ni dzimimba
ambari guti litshigu si velegago, gani?
3Sa gu khidzima gasi si kodza gu velega
si vbedza kharato guvbisa nya gulumwe gwaso.
4Sanana sawe sa gu dandra khabini
na siri ni tshivba,
si hegisa khu gu hambana ni vamayi vawe
nyamba wuya gambe.
5Khu mani a tshudzisidego dziburu nya likhabi,
khu mani a tshudego dzingodzi dzawe?
6Eni nyi dzi ningide giwula gu khala gaya gwawe,
ni kovani nya munyu gasi dzi vbaha umo.
7Dza gu hega khu gupwa nyenganyenga nya lidhoropa,
kha dzi khathali khu lito la mugimbidzisi. 8Dza gu legalega sigomoni,
dzi vbweta wuhaviselo
gasi gu mana mwasi nya gunyuge.
9Wa gu alakanya gukhuwe nyari yi nga
dzumela gu gu thumela,
ambari guta khala phandroni gwago, gani?
10Ina u ngu kodza gu hunga nyari
yi ndrindra liphadza,
yi gulandra khu hwane yi lima mikovani, gani?
11U na yi tumba khu kotani nya tshivba yaye
nya yikhongolo,
gasi yi gu limela mahange u ma vbwetago, gani?
12U ngu tumba gukhuwe iyo yi na gu wuyisela
dzimbewu u na dusago khu mahangeni gwago
yi ta dzi guhula musithalani gwago, gani?
13Mbowa ya gu thawuludza mambapi
yi vbuvba na yi tsakide,
gukhwatshi mambapi nya lighama yi gu nawo.
14Ya gu velega mandra vbavbatshi,
ma fundramedwa mafuni khu lihani,
15na yi si alakanyi gukhilo vathu va na ma
gandra ma pandrega,
ambari gu gandrwa khu sirengo nya likhabi.
16Ya gu tshanisa sanana saye, gukhwatshi
khandriyo yi nga si velega,
yi si khathali khu gu luza thumo yi wu giridego,
17Kholu Nungungulu a yi segede guti,
ambari gu yi ninga mapimo.
18Aholu, ya gu khuga yi ema gasi yi tutuma,
ya gu hega kavalu ni mukhileli waye.
19U ngu kodza gu ninga tshivba kavalu,
mwendro gu yi ambagisa ngoloni gwaye
khu mawoya nya wumburi, gani?
20U ngu kodza gundragandraga kha nga mbera, gani?
Yi thurugisago vathu khu ligwaha nya maembelo yaye, gani?
21Ya gu phandraphandra khu gigaha,
yi yeyedza tshivba yaye khu matshandza,
yi khuga yi khinga sikwata nya dzinyimbi.
22Ya gu hega khu hwanga, gambe kha yi thavi gilo;
ambari gu bwelela hwane khu gu thava matshari.
23Dzibambe gwaye, gupwala gudzuma
nya sighalala, ni gukhedziga nya matshari.
24Ya gu phandraphandra mafuni khu gigaha,
yisi emi khu guwombwa nya pundru.
25Avbo yi pwago guwombwa nya pundru,
ya gu ganela, khiyo:
Hongoleni mbeli!
Na yi ngari hwindzo ya gupwa mahema
nya nyimbi
ni gupwa malito ya vathangeli nya nyimbi.
26Ina givaga gya gu vbuvba khu wugengeli wago,
gi thawuludza mambapi gi khedza Marandzi, gani?
27Mwendro khuwe u rumago lighama
gu vbuvba liya vbatshani,
li ya vbaha iyo gihaga gyaye, gani?
28La gu dzi vbahela wulanga musiwindrini,
li sihala mudziphagoni gakone.
29Khu vbatshani yoyo, la gu khedzisela li tugula guhodza;
maho yaye ma gu wona khu hwindzo.
30 # Wona gambe: Mat 24:28; Luk 17:37. Sifondro saye sa gu mama novba,
ni evbini gu manegago sirumbi, ilo kha li hamugegi.”
Currently Selected:
Joba 39: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
