Judhite 12
12
Judhite umo nya buzo wa Holoferini
1Khu gulandrela, Holoferini a di ruma gukhuye va yise Judhite wulangani si nga bani si romo sombo saye nya guhodzele nya parata, a rumela gukhuye a vegedwe meza, va mu phamela guhodza a hodzago uye ni gu mu ninga wadwa nya vhinya a selago uye. 2Judhite a di va hakha, khuye: “Kha nyi na hodza gilo nya isoso, gasi nyi si thegi mugighohoni, aholu nyi na hodza iso nyi dzudego naso.” 3Holoferini a di engedza a mu embela, khuye: “Wa gu vbedza dzimbuva dzago, hi na dzi mana hayi nya nga idzodzo? Avbo gwathu mwalo mumbe wa na gyanu.” 4Judhite a di mu embela, khuye: “Kha nga mune wangu u vbanyago, githumi gyago kha gi na vbedza silo gi dongidego, Pfhumu Nungungulu na si gu giri khu mandzani gwangu iso a dongisedego gu gira.”
5Sithumi sa Holoferini si di mu vbwelegedza kala tshatshani, uye a diya lala kala ni vbakari nya wutshigu. Gukhugani nya wuronga a di wuga, 6a rumela guya embela Holoferini, khuye: “Mune wangu, rumela gukhuwe githumi gyago gi na duge vbavbandze gasi guya gira nombelo.” 7Holoferini a di embela vawoneleli vaye khuye va si mu himbedzeli guduga. Judhite a di khala matshigu mararu lizumboni, vbawutshigutunu uye a di khala kovani wa Bhetuliya aya hamba vbagifefetunu nya mati gi nga bani gi romo lizumboni. 8Avbo a wugidego, a di lomba ga Pfhumu Nungungulu wa Israyeli, gu a mu yeyedze ndzila nya gukodze gutshudzisa vathu vaye. 9A di bela tshatshani gwaye na dzi agiside, a khala umo kala ni silambo, khavbo avbo, a di hodza guhodza gwaye.
10Khu litshigu nya wu na, Holoferini a di dongisela buzo a ninga dzindruna dzaye basi nyamba ramba ni moyo nya vagimbidzisi nya mufumo waye. 11A di embela Bhagowa, thenwa ni muthangeli nya mithumo nya wugwewo waye, khuye: “Nga hongola uya zama gu ganela ni nyamayi yoyu nya Muhebheru a guromo gaya gwago, gasi ate vbakari gwathu hita hodza ni gusela naye. 12Kholu gu na bani nari dzitshoni avbo gwathu gu diga phuvbo nyamayi nya mburi ngudzu nya nga uye, nyamba tivana naye. Kholu ha gumba lala naye, uye a na hi hega.”
13Bhagowa a di khuga khavbo ga Holoferini, aya ganela ni Judhite, a mu embela, khuye: “Nya gu lomba gukheni githumi gegi nya wumburi gi nga bombi guta vbafuvbi ga mune wangu, gasi u kodze guzundzega mbeli gwaye, u sele ni ethu wadwa khu gutsaka gasi muhuno u vbindrugedze u khala kha nga moyo nya vanyamahegyane va Vaasiriya va guromo ndrangani ga Nabhukodhonosori.” 14Judhite a di mu hakha, khuye: “Gasi kheni mani eni nya gukala nyi kanyisa mune wangu? Nyi na gira khu guvbiredza satshavbo iso si mu tsakisago, isoso si na bani siri litsako avbo gwangu kala litshigu nya gufe gwangu.” 15Khavbo avbo, a di khuga, a ambala, a dzi mburisela khu simburiselo saye satshavbo nya wunyamayi. Githumi gyaye gi di thanga mbeli gi ya ladza vbavbatshi mbeli ga Holoferini, malawu a nga bani a ma hakhide khu mandzani ga Bhagowa, gasi gu ma thumisa litshigu ni litshigu, a kodze guhodza na khighede avbovbo. 16Khavbo avbo, Judhite, a di bela aya khala, hefemulo wa Holoferini wu di nengela ngudzu khu kotani yaye ni monyo waye wu di ghavatana. A di beledwa khu manavelo nya makhongolo nya gutshangane naye, kholu gukhugela litshigu a nga phela gu mu wona, a di gu vbweta gikhati nya gyadi gasi gu mu wudza. 17Holoferini a di mu embela, khuye: “Gira wuhindzi u sele u tsaka gumogo ni ethu.” 18Judhite a di mu hakha, khuye: “Nyi na sela pfhumu, kha nga olu muhuno guvbanya gwangu gu gu na ni lisima ngudzu guvbindra ugo nyi gu manego litshigu nyi velegidwego.” 19Khavbo avbo, a di dzega iso si nga bani si dongisedwe khu githumi gyaye nya nyamayi a hodza ni gu sela mbeli gwaye. 20Khavbo avbo, Holoferini a di tsakiswa ngudzu khuye, a sela wadwa nya wungi ngudzu nya gu gumwalo litshigu a sedego wadwa nya wungi nga litshigu lolo, gukhugela litshigu a velegidwego khilo.
Currently Selected:
Judhite 12: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.