Isaya 3
3
Gulamudwa gwa Judha ni Jerusalema
(Levhi 26:26; Dhewuteronome 28:18; Ezekiyeli 4:16; Jeremiya 2:17)
1Kholu, wonani nya gukhenu: Mune, Pfhumu Nungungulu Nya Tshivba Yatshavbo,
a na wandrela Jerusalema ni Judha
iso si va vbanyisago ni siseketelo satshavbo,
a na va dzegela guhodza gwawe gwatshavbo
ni mati nya gusele.
2A na dzega gambe dzindrena, vadwani nya nyimbi,
valamuli ni vaprofeti,
va nya sikwembu ni madhota;
3muthangeli nya gikwata nya livbandre magumi (50),
vathu nya guthavisege,
vasingalagadzi, va nya gugengela,
vameseri
ni va nya gu gira sisamadziso.
4Nyi na va ninga madzaha ma khala vafumeli vawe,
va na fumedwa khu sanana.
5Va na tshanisana khu gyawe;
muthu ni muthu a na wugela muthu kwawe,
gyanana gi na wugela lidhota,
ni muthu nya nyalidede a na wugela muthu
nya guthavisege.
6A na manega uye a na guyago ga ndriyaye,
ga moyo wa nyumbani ga babe waye, aya, khuye:
“Uwe u na ni guambala, khala muthangeli wathu,
marumbi yaya ma na manege mandzani gwago!”
7Aholu khu litshigu lile, uye a na phindrula, khuye:
Kha nyiri nyanga,
gaya gwangu gu mwalo guhodza, ambari
guambala nyi mwalo;
mu nga nyi vegini gu khala muthangeli nya vathu.
8Kholu Jerusalema gu tshunganede,
Judha thegide,
kholu magana ni mithumo yaye,
khya gu wugela Pfhumu Nungungulu,
va hembulula guwonega nya wudhumo waye.
9Dzikhovbe dzawe dzi ngu va thuledza;
dzi bhusa phungu#3:9 Gu bhusa phungu gu pwadza ndruma khiso si nga bani siri gusihalani. nya sighoho sawe kha nga Sodhoma,
nyamba siha gilo.
Libango ga mihefemulo yawe!
Kholu va gu dzi vangela vabune libango.
10Embelani va nya gululama khenu satshavbo si na va dugela gwadi,
kholu, va na hodza handro nya sigiro sawe.
11Libango ga va nya guvivbedwa khu monyo!
Kholu, va na thegedwa khu mhango!
Va na hakha tshatshazelo
nya esi va yadego khu mandza yawe.
12Vathu vangu va gu tshaniswa khu sanana,
va fumedwa khu vanyamayi.
Enu! Vathu vangu, avo va mi thangelago
va gu mi kanganyisa va mi ndreyisa ga ndzila
mu yelago gu gimbila khiyo.
13 Pfhumu Nungungulu a na khuga a ema;
a duga, a lamula mayigo.
14 Pfhumu Nungungulu a nguta lamula
madhota ya tigoni gwaye,
gumogo ni vathangeli va vathu vaye,
kholu, khenu mu ghohetedego lithembwe leli,
mu tadzide dzinyumba dzanu
khiso mu nga bela sisiwana.
15Gasi ginani mu gi vbwetago
khu gu tshanisa vathu vangu,
olu mu gandredzelago vbavbatshi sisiwana?
A ngu wudzisa Mune, Pfhumu
Nungungulu nya Tshivba Yatshavbo.
Gulamudwa ga vanyamahegyane va Siyoni
16 Pfhumu Nungungulu a ngu engedza a ganela, khuye:
Kha nga olu vanyamahegyane va Siyoni
va dzi gugumugisago,
va gimbila na va khusedzide dzithamo,
maho yawe na ma tade khu wukanganyisi,
va gu gimbila gukhwatshi va di hungwa,
na va gu dzumisa masindra ya mawundruni gwawe.
17 Pfhumu Nungungulu a na thela sidhole mihungoni
ya vanyamahegyane va Siyoni,
a va tshulela dzitshalu va khala wumbwiri.
18Khu litshigu lolo, Pfhumu, a na wandrela vanyamayi satshavbo sombo sawe nya gu dzi mburisele, khiso: Masindra ya mawundruni, niso nya gu luge khiso ndzudzu ni mikarara ya thamoni;
19dziphera dza dzindzeveni, wulungu ni sikhongelo;
20Mongo,#3:20 Mongo i keka nya guhunge hungoni. dziketane, mabhandri, sigasyana nya mafura nya gunungele, ni masindra ya mawundruni;
21dziphera ni dhayimane nya gukhedzige nya guthedwe dzithonvuni,
22guambala nya mibuzo, sifenengelo, mabhadzi, sikhwama ni sipeneti;
23mabona, dzingandzu nya seda, mongo nya guhunge hungoni ni sikhongelo nya guwonegele.
24Wulangani nya mafura nya gunungele, gu na pwala gununga nya silo nya guhine,
wulangani nya libhandri, gu na manega ngodzi;
wulangani nya gulugwe ndzudzu, gu na manega likhwalu;
wulangani nya guambale nya buzo, gu na ambadwa silendra;
wulangani nya wumburi, gu na manega mambala nya guvbiswe khu nilo.
25Vathu vago va na songetedwa khu matshari;
ni dzindrena dzago dzatshavbo, dzi na fela nyimbitunu.
26 # Wona gambe: Jer 13:2; Gil 1:4. Dzinyangwani nya lidhoropa lago, gu na pwala dzihuwa;
u na tshala nyambana gilo,
Siyoni a khala vbavbatshi huye hokohoko.
Currently Selected:
Isaya 3: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
