Isaya 4
4
1Litshigu lolo, livbandre na vavili vanyamayi,#4:1 Khu kota nya nyimbi vanyamayi nya vangi va di khala dzinoni va vbanya muwusiwanani nya wukhongolo, gu diga nya ugogo va di khala sifurugadzi, iso si nga bani siri dzitshoni nya dzikhongolo ga Israyeli.
va na ya namarela ga mwama moyo va ganela, khavo:
“Ethu hi na dzi vbwetela habune guhodza,
hi dzi rengela habune guambala,
wa nga hi diga basi hi ranwa gupwani hi vagadzi vago;
hi duse dzitshoni hi gu nadzo.”
Guwusedzwa nya mufumo wuphya wa Pfhumu Nungungulu
(Ekisodha 19:5; Luka 10:20; Gutuledwa 13:8)
2Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.
3Vale va na tshalago#4:3 “Vale va na tshalago va Israyeli mwendro gupwani Mitshaledwa” hi ngu ma mana ndrani nya Bhibhiliya yatshavbo. Vbakari nya vathu nyamba tumbega, nya sighohi ni sindragamilayo, Nungungulu a na dzi hathela tsawanyana nya mitshaledwa wu na gu landrisago Gidzhumeledzwano. Wona (Isa 1:9; Gen 18:16-32) tsawanyana yoyu, hwane nya gu bani wu agisidwe, wu na khala litigo nya vathu nya vangi ngudzu. Wona (Isa 6:13; Jer 3:14; Bhar 3:13). Nyambana tsawanyana wowu nya mitshaledwa gumwalo guwusedzwa ambari guagiswa khu mudzegisi. gigomoni ga Siyoni, va simama gu khala Jerusalema, va na ranwa sihathwa sa Nungungulu; kholu malina yawe ma na bani ma lovidwe ga avo va vbanyago Jerusalema.
4Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise. 5#Wona gambe: Eks 13:21; 24:16. Pfhumu Nungungulu a na gira lipfhi a fenengedza vbatshani nya gigomo gya Siyoni ni umo va tshanganelago umo vathu, a na gu fenengedza khu lipfhi mihani yile, vbawutshigutunu, gu tuviga wutshi ni gungangamela nya nilo; kholu gungangamela ga Pfhumu gu na gu fenengedza khu maphuvbo yatshavbo.
6Gu na manega tshatsha wu na khalago mutsa la gu vbisa lihani, ni gu khala wuthavelo nya gusihale gingulu ni ndzadzi.
Currently Selected:
Isaya 4: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
