Isaya 18
18
Giprofeto mayelano khu Etiyopiya
1 # Wona gambe: Sof 2:12. Libango ga litigo li fundramedwago khu mambapi nya
sirengwanana, li khalago khisikheyi nya mitsongo ya Etiyopiya!
2Li rumelago sirumwa saye khu linene, na siri ni mataro nya gugirwe khu madadanga, khilo:
Gimbilani kha nga myango nya mazambo,
ga litigo nya vathu nya vadandrangulu, vathu nya guthise
gukhugela guvelegwani gwawe,
litigo nya tshivba va palago vatshavbo,
litigo lawe li tsemakanywago khu mitsongo.
3Enu, mwatshavbo vavbanyi va mafuni ni sivelegwa sa tigoni,
ya gu ghwimbwa ngavbya vbatshani nya sigomo, mu na yi wonani;
avbo gu wombwago pundru, mu na wu pwani.
4Kholu Pfhumu Nungungulu a nyi embede kharati, khuye:
“Nyi na khedza na nyiri khu nyumbani gwangu,
na nyi rude ni gutangala,
kha nga guvbisa nya lihani gikhati nya gugye,
mwendro kha nga lipfhi nya hunguva
vbanangotunu nya guvbise,
khu nango nya guvbwere.”
5Kholu na gu si gu vbohi nango nya guvbwere,
na wu vbede guthega wenge,
dziuvha na dzi vidzidwe,
u na thena matamo khu ngala,
u dusa ni mithungedwa yakone.
6Vatshavbo va na ningedwa ga makoti ya musigomoni,
ni ga sirengo sa khabini,
va hodzwa; va na khala guhodza
ga vamahigonganye va vbamarongatunu,
va gu hodzwa khu sirengo satshavbo sa khabini vbagirametunu.
7 # Wona gambe: Sof 2:12. Khu gikhati gyogyo, gu na reswa gihiwa ga Pfhumu,
Nungungulu nya Tshivba Yatshavbo,
vathu nya vadandrangulu, na vari ni wumburi,
avo va thawago khu vathu gukhugela gutumbulugani gwawe,
litigo nya dzihanyi nya guganele sihonohono,
Eli li tsemakanywago khu vbakari ni vbakari khu mitsongo.
Va na resa miningelo yawe gigomoni ga Siyoni,
avbo gu khozedwago lina la Pfhumu Nungungulu nya
Tshivba Yatshavbo.
Currently Selected:
Isaya 18: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
