Isaya 16
16
Mowabhi a ngu lomba giphaso ga Jerusalema
(Jeremiya 23:5; 33:15)
1Rumelani dzinvuta nya guye ga mufumeli a fumelago litigo,
gukhugela dhoropani ga Sela, a tsemakanya giwula kala gigomoni ga
nyamahegyane wa Siyoni.
2Kholu khu bambe nya tsongo wa Arinoni, vanyamahegyane va Mowabhi,
va na tutuma khu eno ni eno gufanane
ni sinyoni si phalalegisidwego khu sihagani gwawe, khavo:
3“Hi ninge wusingalagadzi, gira wulamuli wago,
gira mutsa wago vbamihanitunu,
gukhwatshi vbakari nya wutshigu,
siha vale va tutumisidwego, u nga ningeli avo va thavago.
4Vale va tutumisidwego va Mowabhi, va na vbanye avbo gwago,
va na mane gusihala avbo gwago, gasi va si manwi khu mumbembisi.
Kholu muthu nya dzihanyi a na vbeledwa, yi vbela tshanisa,
ni mutshanisi a na duga tigoni.
5Khavbo avbo, gu na tiyiswa gikhalo gyago nya wufumu khu wuwadi,
gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”
6Hi pwide na gu ganedwa khu matshandza ya Mowabhi,
gu dzi khusedza gwaye ni gigaha gyaye;
gambe gu ghwira gwaye khwa mahala.
7Khu guralo, enu va na Mowabhi, lilelani litigo lanu;
mu lilela ngudzu mihandro nya dziuvha dza Kiri-Hareseti.
8Kholu marembwe ya Hesibhoni ni lithembwe la Sibima, ma wunide;
vafumeli va mambe mayigo va pilede matamo nya misimbo nya yadi,
ma nga nava kala dhoropani ga Jazeri, ni giwulani;
matamo yaye ma navide kala khisikheyi nya yiphwa.
9Khu guralo nyi na lila, gumogo ni Jazeri, khu lithembwe la Sibima;
uwe Hesibhoni, ni uwe Eleyali, nyi na mi naganisa khu marongo yangu;
kholu thembweni gwanu nya mihandro,
kha gu pwali gambe dzindzimo nya litsako nya guvbwere dzimbewu.
10Marembweni nya gunone
gu mwalo gambe gutsaka ni mikulungwane nya gunengele;
mwalo a gamago gambe dziuvha maphisoni.
Nyi degudzide mikulungwane nya gutsake.
11Khu guralo, mahembe yangu ma gu dzuma nga gitendre
khu kotani ya Mowabhi,
monyo wangu wa gu vbisega khu kotani ya Kiri-Heresi.
12Ambari ulo Mowabhi a dzi garadzago khu gu
gwela malangani nya sigomo, ni gu bela nyumbani gwaye nya miphaso, aya lombelela,
kha na mana gilo.
13Aya khayo magana Pfhumu Nungungulu a ma ganedego khu gale,
mayelano khu Mowabhi.
14 # Wona gambe: Isa 25:10-12; Jer 48:1-47; Ezek 25:8-11; Amos 2:1-3; Sof 2:8-11. Khu guralo, Pfhumu Nungungulu a ngu ganela, khuye:
“Ndrani nya myaga miraru,
a gu myaga yi fananago ni ya muthu a thodwego gu yi thuma,
wudhumo wa Mowabhi ni gidzemo gyaye nya gingi, wu na poyidwa;
ni mitshaledwa yaye yi na bani yiri yidugwana na yiri mwalo tshivba.”
Currently Selected:
Isaya 16: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
