Isaya 15
15
Giprofeto khu litigo la Mowabhi
(Mitengo 21:23,26; Jeremiya 48:34; Ezekiyeli 25:8-11; Amosi 2:1-3)
1Aya khu mahungu mayelano khu Mowabhi:
Khu wutshigu wumowo basi, gu di pfhungumudwa lidhoropa la Ari wa Mowabhi;
khu wutshigu wumowo basi, Kiri wa Mowabhi,
di pfhungumudwa
gu khala giwula.
2Vavbanyi va Bhajiti Dhibhoni va gu gwela
malangani nya miphaso ya musigomoni,
vaya lila;
Mowabhi a ngu lila khu kotani ya Nebhu ni Medhebha.
Vatshavbo va vbalude ndzudzu ni guvila giledzo.
3Va di ambala myendra nya silendra va duga dzindzilani;
ni vbatshani nya dzinyumba dzawe, ni
mitendrelani gwawe vaya lila ni gu tsikwila,
4Va Hesibhoni ni Vaeleyali, va di gimbila na va gu huwata.
Dzihuwa dzawe dzi di pwala kala tigoni ga Jaza;
khu guralo, masotshwa ya Mowabhi ma ngu lila;
ni mihefemulo yawe yi ngu ndrendremela khu ndrani gwawe.
5Monyo wangu wu ngu lila khu kotani ya Mowabhi;
vathu vaye nya guthavisege, va thavede tigoni ga Zowari,
gu fanana ni gimombyana nya myaga miraru;
kholu va gu lila na va gu gwela khu gigomo gya Luwiti,
va gimbila na gu womba huwa khu ndzila yiyago Horonayimi,
na va guwomba dzihuwa nya wuvi.
6Kholu mati ya Ninirimi ma vbwide,
wuhaviseloni gu bangide,
guvbela mwasi,
gu mwalo gambe mitongwe.
7Kholu thomba va yi manidego ni gu yi vegedzela, va ngu yi rwala avo vamune kamwe
va tsemakanya gitsongwana nya Siphuthu;
8kholu huwa yawe yi pwade kala ni mivbinganoni
nya litigo la Mowabhi;
lito nya gulile gwawe, li pwade kala Egilayimi ni Bheheri-Elimi.
9Kholu mati nya tsongo wa Dhimoni ma tade khu novba;
aholu nyi na engedzela gambe tigoni ga Dhimoni, dzinghala dzi na vbadzulelago
vale va nga vbulugago va na Mowabhi gumogo ni mitshaledwa ya tigoni.
Currently Selected:
Isaya 15: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
