Isaya 12
12
Ndzimo nya gubonge Nungungulu
(Johane 4:14; 7:37)
1Ga litshigu lolo, u na embelela, khuwe:
“Nyi ngu gu bonga uwe Pfhumu Nungungulu,
kholu, ambari nyi gu gorosidego,
olu U duside likhulo lago avbo gwangu.
Uwe u ngu nyi tangadzisa.”
2 # Wona gambe: Eks 15:2; Dzind 118:14. Wona nya gukhuwe, Nungungulu muvbanyisi wangu;
nyi na mu tumba nyi si thavi gilo,
kholu, Pfhumu Nungungulu khuye
tshivba yangu ni ndzimo yangu;
uye khade muvbanyisi wangu.
3Enu, na mu tade khu gutsaka, mu na ya rega mati
sifefeni nya guvbanyise.
4Ga litshigu lolo, mu na embelela ndzimo yeyi, khenu:
“Bongani Pfhumu Nungungulu,
mu khozela lina laye,
pwadzelani mayigo sigiro saye,
ma tiviseni khenu, lina laye likhongolo.
5 # Wona gambe: Dzind 105:1-2. Embelelani wuzundzo ga Pfhumu Nungungulu,
kholu giride silo nya sikhongolo ngudzu,
tivisani esi tigoni gwatshavbo.
6Wombani mikulungwane mu tsaka, enu vavbanyi va Siyoni,
kholu vbakari gwanu, khongolo khu Nyaguage wa Israyeli.”
Currently Selected:
Isaya 12: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
