Muhevbudzi 11
11
Hi na gire silo nya sadi khu gikhati gi vbwetegago
1Rinya guhodza gwago vbatshani nya mati;
kholu khu hwane nya matshigu nya gutale u na bwelo khavbo
u gu mana nyaluphye.
2Kabana iso u gu naso ni livbandre na vavili mwendro
livbandre na vararu vathu,
kholu khu liti libango muni li na gu dugelelago mafuni momu.
3Damboni ga gu phuma khu mapfhi, ya guwa ndzadzi mafuni,
ni simbo wa gu thegela Marandzi mwendro Wuronga, wu na
khala kamwe avbovbo wu thegedego avbo.
4Uye a khedziselago dziphuvbo, gima kha yali,
ni wule a khedziselago mapfhi, gima kha na vbwera.
5Kha nga olu u gumba yiti ndzila nya phuvbo,
ni idzo gu wumbwago khidzo marambo girumbuni
ga nyamayi a gu ni mimba,
khu kharato gambe mithumo ya Nungungulu,
a girago satshavbo, khu yeli gu yiti.
6Yala mbewu yago gu ngari dzimindru, aholu vbasilambotunu
u nga khali khu mawogo,
kholu khu yiti iyo yi na bugago yi ninga mihandro;
kheyi mwendro khu yile,
mwendro dzatshavbo dzi na ni lisima.
Guvbanya
7Guwonegela gu ngu rudzisa monyo, maho nayo ma gu tsaka
khu gu wona lidambo.
8Muthu a gu vbanya myaga nya gutale, gumogo ni gutsaka
gwadi,
a na alakanye matshigu nya gidema a gu mangi ngudzu
guvbindra nya gutsake.
Satshavbo gu dzi pfhadza kha si phasi gilo.
Milayo ga madzaha
9Lidzaha, dzi tsakise khu wudzaha wago,
u tsakisa monyo wago matshigu nya wudzaha wago;
gimbila khu ndzila yi godwago khu monyo wago,
ni gu gola nya maho yago;
aholu dziti nya gukhuwe Nungungulu a na gu lamula
khu satshavbo soso.
10Khu guralo, dusa gugaradzega gwa monyoni gwago,
u hambana niso si na gu tshanisago mili wago,
kholu wanana ni wudzaha gu dzi pfhadza, kha si phasi gilo.
Currently Selected:
Muhevbudzi 11: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
