Muhevbudzi 10
10
Gupimisa ni wugengeli
1Phuga nya gufe yi ngu kodza gu ghoha mafura
nya gunungele,
kharato nugo wupumbu wudugwana wu ngu kodza gu ghoha
wugengeli ni wuzundzo nya muthu nya guti.
2Monyo wa muthu nya guti womo nyamudye gwaye,
aholu monyo nya gipumbu womo nyambade gwaye.
3Gipumbu gya gu gimbila khu ndzila,
gya gu gimbila nyambana mapimo,
gya gu yeyedza vatshavbo khigyo muthu nya gudhadhavale.
4Wa gu ronogedwa khu mufumeli u nga khugi wulanga wago,
kholu uye a dzi nogisago a ngu vbuluga mhangoni.
5Mafuni momu nyi wonide silo nya gunyenyeze,
a gu gihoso gi girwago khu mufumeli.
6Sipumbu sa gu vegwa malangani ma khusegidego!
Aholu va nya gufuma va vegwa malangani ya vbavbatshi.
7Nyi di wona dzikhumbi dzi gimbila khu dzikavalu, aholu,
vafumeli va gimbila khu migondro nga dzikhumbi.
8 # Wona gambe: Dzind 7:15; Mav 26:27. Uye a kembago liphala a na thegela umomo;
ni uwe u khungumulago ndzari u na hodzwa khu nyoga.
9Uye a pandrelago siwindri si na mu thegela,
ni wule a kokelago dzikhuni a na dzi tshongisa.
10Gibhewula gya gu bani gya sa lodzwa gi na gu
girela thumo;
gu vbweta gu engedzela tshivba;
aholu wugengeli wu ngu ninga tshatshazelo muthu.
11Wa gu hodzwa khu nyoga nu si gu thumwi khu nyanga,
kha gu phasi gilo gu rana nyanga.
12Magana ya muthu nya guti ma ngu tsakisa,
aholu magana ya gipumbu ma gu gi tshipisa.
13Guphela nya magana yaye khya wupumbu,
ni ayo nya guhegise khya gu handruga.
14Gipumbu gya gu laphisa magana;
gambe muthu a ngu hangwa khiso si tago khu mbeli;
gasi khu mani a na gu mu embela iso si na gu mu dugelelago
hwane gwaye?
15Gipumbu gya gu garadzwa khu thumo waye,
kholu kha gi yiti ndzila nya guye dhoropani.
16Libango lago uwe litigo u fumwago khu mufumeli
nya gyanana,
dzindruna dzakone dzi buzago gukhugela dzimindrudzile.
17Li kategide litigo lile li fumedwago khu mwamana
a dugelago nyumbani nya wufumu,
eli dzindruna dzakone dzi hodzago khu gupima,
gasi gu mana tshivba nasiri gu leva.
18Muthu nya wugara a gu thegedwa khu dzimhango,
a rutedwa khu nyumba na khumbanaride mawogo.
19Guhodza gu ngu tshamba, ni wadwa wa gu tsakisa monyo,
gambe satshavbo sa gu manwa khu dzitsapawu.
20U nga lembi mufumeli, ambari khu mahingigedzoni,
gambe u nga lembi gitetema, ambari na wu lade
makhuvini gwago;
kholu sinyoni si nga rwala mahungu yago, si ma phalalegisa
kala ma vboha dzindzeveni gwawe.
Currently Selected:
Muhevbudzi 10: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
