Dhewuteronome 24
24
Nayo mayelano ni hulano
(Matewu 6:27-28; 19:3-9; Marko 10:4-9)
1 # Wona gambe: Mat 5:31; 19:7; Mark 10:4. Mwama a gu dzega nyamayi a vbaha naye lipango, khu hwane nya matshigu, a gumba tsakiswa khu nyamayi wule, khu guya tugula gilo nya dzitshoni gwaye, a na mu lovela lidangalila nya musi nya hulano, a mu ninga mandzani gwaye, a mu tutumisa ndrangani gwaye; 2uye a gu duga khu ndrangani gwaye, aya dzegwa khu mumbe mwama; 3oyu nuye a mu nyenya a mu lovela lidangalila nya musi, a mu ninga mandzani, a mu tutumisa ndrangani gwaye, mwendro a gufa mwama yoyu nya guhegise a nga mu dzega a khala mwangadzi waye, 4mwama nya guhegule gu mu dzega, a nga mu tutumisa, mwalo fanelo nya gu mu dzege gambe a khala mwangadzi waye, kholu nyamayi yoyu, nyenyezisidwe mbeli ga Pfhumu Nungungulu; khu kharato, u nga ghohisi litigo lile Pfhumu Nungungulu wago a na gu ningago li khala thomba yago.
Milayo nya giwuthu
5Mwama a ngari gu dzegago nyamayi, a nga hongoli nyimbitunu, ambari gu mu ninga ni wevbini thumo; fanede gu khala ndrangani gipimo nya mwaga a tsakisa mwangadzi waye a ngari gu mu dzegago.
6U nga hakhi siwindri sa sivili nya gitshindro gya ndriyago kha nga gilo nya guphariswe khu mangava, ambari nari basi giwindri gya vbatshani, kholu kharato, wa gu mu dzegela womi waye kha nga gilo nya guphariswe khu mangava.
7 # Wona gambe: Eks 21:16. A gu manwa muthu wa na Israyeli na gu mola moyo wa vbakari nya vandriyaye nya sanana sa Israyeli, a mu gira kha nga khumbi mwendro gu mu rengisa, mbafa yoyo yi fanede gu songwa. Khu guralo, u na vbedza wuvivbi vbakari gwago.
8 # Wona gambe: Levh 13:1—14:54. Dzi wonele ga tungu nya sokono, dzi garadze khu gu landrisa satshavbo u na hevbudzwago khu vaphasi nya mhamba va na Levhi; kha nga idzo nyi va leletedego khidzo, zama gu si gira. 9#Wona gambe: Mit 12:10. Alakanya esi Pfhumu Nungungulu wago, a giridego Miriyamu ndzilani, gikhati mu dugidego khu Egipito.
10Wa gu lombisa gilo nya gukari ndriyago, u nga beli nyumbani gwaye gasi guya mu dzegela igyo nya gulivbe khigyo. 11Gambe u na ema khu vbavbandze, uye u nga mu fuyarisa a nata vbavbandze a gu resela gyombo nya gu gupharise khigyo. 12Khu guralo, muthu yoyo a gu bani nari gisiwana, gu nga vbindri litshigu nu si mu bweledzeli volo waye a ngata gu pharisa, 13#Wona gambe: Eks 22:26-27. gupfolani nya lidambo u fanede gu mu bweledzela, gasi gulala a wu fenengela, gambe u mu lombelela makategwa, khu kotani nya isoso, u na bani u giride gululama mbeli ga Pfhumu Nungungulu wago.
14U nga sololi muthumegeli nya gisiwana ni muhamugi, ambari nari ndriyago mwendro muluveli a vbanyago tigoni gwago ni dhoropani gwago. 15#Wona gambe: Levh 19:13. Mu ninge hakelo yaye khu litshigu lolo li si gu pfoli lidambo, kholu uye gisiwana, a gu lirela gu hakha gasi gu vbanya khiso; kholu a nga womba huwa ga Pfhumu Nungungulu, u manega nuri ni nandru.
16 # Wona gambe: 2 Dzipf 14:6; 2 Dzik 25:4; Ezek 18:20. Vavelegi va mwalo fanelo nya gusongwe khu sighoho sa sanana sawe, mwendro sanana khu sighoho sa vavelegi vawe. Muthu ni muthu a nafa khu gighoho gyaye.
17U nga hambanisi dzifanelo dza muluveli ni khulungu; gambe u nga hakhi guambala ga noni kha nga gilo nya guphariswe khu mangava. 18#Wona gambe: Eks 23:9; Levh 19:33-34; Dhet 27:19. Dundruga gukhuwe uwe nuwe u diri khumbi tigoni ga Egipito, umo Pfhumu Nungungulu a gu dusidego khumo; khidzo kharato nyi gu rumago gu gira isoso.
19Avbo u vbwerago dzimbewu dza thembweni gwago, wa gu divala nyandra nya tirigu, u nga bweleli u ta yi dzega, yi na lumba muluveli, khulungu ni noni; gasi Pfhumu Nungungulu wago, a kategise thumo watshavbo nya mandza yago. 20Wa gu kutsunga miolivha yago, u nga wuyi gambe u ta havela mihandro ya matamoni, si na lumba muluveli khulungu ni noni. 21Wa gu vbwera dziuvha dzago, u nga bweleli gambe u ya roledzela, kholu si na lumba muluveli, khulungu ni noni. 22#Wona gambe: Levh 19:9-10; 23:22. Dundruga gukhuwe uwe nuwe u diri khumbi tigoni ga Egipito; khidzo kharato nyi gu rumago gu gira isoso.
Currently Selected:
Dhewuteronome 24: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
