Dhewuteronome 22
22
Sombo nya gudzimele
(Ekisodha 23:4-5)
1Wa gu tshuka u wona mombe mwendro nvuta ya muakelane wago na yi dzimede, u nga dzi digi; dzi ghule u dzi yisa ga ndriyago, kholu a ngu dzi dilela. 2Ndriyago yoyu, a gu bani na gu manegela hwindzo nago mwendro gu, nu si muti, dzi sayise ndrangani gwago u khala nadzo a gu manega mune wakone na gu dzi landra, u na mu bweledzela. 3U na gira gambe kharato ni buru yaye ni guambala gwaye; ambari ni gevbini gilo gya ndriyago gi dzimelago wa gu gi mana u nga gi digi.
4 # Wona gambe: Eks 23:4-5. Wa gu wona buru mwendro mombe ya ndriyago na yi thegide ndzilani, u nga yi digi; aholu yi phasedzele, u yi khusa.
Yimbe milayo
5Nyamayi a nga ambali guambala nya mwama, mwama nuye a nga ambali guambala nya nyamayi; kholu uye a girago silo nya nga isoso, givalo ga Pfhumu Nungungulu wago.
6Wa guvbindra khu ndzila u mana gihaga nya ginyoni, simboni mwendro vbavbatshi, na giri ni sifondro mwendro mandra na si fundramedwe khu mayi wakone, u nga dzegi mayi ni sifondro saye; 7U ngu dzi kodza gu dzega sifondro saye, u diga mayi wakone a hongola, gasi u kodze gukatega ni gu engedzedwa matshigu yago.
8Wa gu vbaha nyumba nya yiphya nya gitezi, u na gira libhiyo likupakupani la gitezi, gasi u si mani nandru nya novba, a gu thega muthu nya gukari khu vbale.
9U nga tshuki u yala mafumbu mavili nya dzimbewu thembweni gwago, gasi u si nyenyezisi mihandro nya dzimbewu u yadego thembweni gwago.
10U nga tshuki u lima khu patwa nya mombe ni buru.
11 # Wona gambe: Levh 19:19. U nga tshuki u ambala guambala nya gulugwe khu mawoya nya nvuta ma patwa ni linyu.
12 # Wona gambe: Mit 15:37-41. U na lugelela matshakafula umo nya dzitshoka dza dzina nya gifenengelo u na fenengelago.
Milayo nya gudzivegise ni dzegano
13Mwama nya gukari a gu dzegana ni nyamayi, khu hwane nya gu na lade naye, a phela gu mu nyenya, 14a mu girela mithumo ya dzitshoni, a mu pwadza phungu nya guvivbe, khuye: Nyi dzeganide ni nyamayi yoyu, aholu na nyi tshanganide naye, kha nya mu mana nari likendzi, 15khavbo avbo, babe ni mayi wa nyamahegyane va na dzega giyeyedzo nya wukendzi wa nyamahegyane, va gu hongola naso ga madhota, nyangwatunu nya lidhoropa. 16Babe wa nyamahegyane a na embela madhota, khuye: Nyi ningede nyamahegyane wangu gasi a khale mwangadzi wa mwama yoyu; aholu, uye a ngu mu nyenya; 17wonani gukhenu giride mithumo nya guvivbe, a ganela, khuye: Kha nya mana wukendzi ga nyamahegyane wago; olu, wonani avba wufakazi nya wukendzi wa nyamahegyane wangu. A na ladza guambala gwaye mbeli ga madhota ya dhoropani. 18Madhota ma na mola mwama, va mu tsayisa, 19va na mu livbisa lizana dzisekeli nya parata, va dzi ningela ga babe wa nyamahegyane, kholu pwadzide phungu nyamahegyane nya likendzi wa Israyeli. Vbavbandze nya isoso, nyamahegyane a na khala mwangadzi waye, a nuye kha na nga mu tutumisa guvbanyani gwaye gwatshavbo.
20Khu guralo, isoso a gu bani ari lisine, wu si manegi wufakazi nya wukendzi ga nyamahegyane wule, 21va na mu dzega va gu hongola naye nyangwatunu nya ndranga ya babe waye, vama va dhoropani gwaye va na mu pfara khu siwindri kala afa, kholu giride dzitshoni tigoni ga Israyeli, a dzi gira libhemba ndrangani ga babe waye; khu guralo, u na vbedza guvivba vbakari gwago.
22Mwama nya gukari a gu manwa na lade ni mwangadzi wa mumbe mwama, vatshavbo va na songwa, mwama a ladego ni nyamayi, ni nyamayi a ladego ni mwama; khu guralo, u na vbedza wuvivbi tigoni ga Israyeli.
23Ga gu manega mbiri, yi nga wutwa khu mwama nya gukari, a ta mumbe mwama dhoropani, a ta manana ni mbiri yoyo a lala nayo, 24khavbo avbo, mu na va dzega vatshavbo mu hongola navo nyangwatunu nya lidhoropa lile, mu ya va pfara khu siwindri kala vafa; kholu nyamahegyane kha womba huwa dhoropani, ni mwama, kholu a poyide mwangadzi wa ndriyaye; khu guralo, u na vbedza wuvivbi vbakari gwago.
25Khu guralo, a gu manega mwama nya gukari a mana mbiri na yi wutidwe a yi pfinya khu tshivba a lala nayo, avbovbo a na songwa basi mwama a nga lala naye; 26ga mbiri u nga giri gilo; uye mwalo nandru nya lufu, mahungu yaya ma ngu fanana ni mwama a wugelago ndriyaye a mu songa. 27Kholu mwama wule a di mana nyamahegyane a tumbisidwego nari khabini a mu manide khabini; mbiri yi wombide huwa, aholu kha ga manega muthu nya gute mu lamulela. 28Mwama nya gukari a gu mana nyamahegyane nya likendzi, a ngamba wutwa, a mu pfinya a lala naye, va manwa, 29#Wona gambe: Eks 22:16-17. avbovbo mwama a nga lala ni mbiri yile a na ningela ga babe wa nyamahegyane livbandre magumi dzisekeli nya parata; kholu a mu poyidego, a na mu dzega a khala mwangadzi waye; kha gu kodzegi gu mu tutumisa guvbanyani gwaye gwatshavbo. 30#Wona gambe: Levh 18:8; 20:11; Dhet 27:20. Ni mwama a nga lali ni mayidugwane waye, a nga nyenyezisa lidawu la babe waye.
Currently Selected:
Dhewuteronome 22: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
