Dhewuteronome 20
20
Milayo yi gimbilelanago ni dzinyimbi
(Dhewuteronome 7:1-5)
1Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe. 2Avbo mu vbwetago guphela gu dwana, muphasi nya mhamba a na thanga mbeli, a embela vathu vaye, khuye: 3Yingisa uwe Israyeli, muhuno mu nguta dwana ni valala vanu; myonyo yanu yi nga vbeli tshivba; mu nga khali hwanga gambe mu nga ndrendremeli ambari guthusedzedwa khavo, 4kholu Pfhumu Nungungulu wanu, khuye a mi dwanelago ga valala vanu, gasi a mi vbulugisa.
5Dzindruna dzi na ganela ga vathu khidzo: “Khu mani vbakari gwanu a vbahidego nyumba nya yiphya yi si gu khangudwigo? A na bwelele gaya gwaye, kholu a ngaya yafa nyimbitunu, nyumba yaye yi tshala yi khangudwa yi laledwa khu vambe, uye na fude. 6Khu mani a nga lima lithembwe nya vhinya a si gu hodzigo mihandro yakone? A na bwelele gaya gwaye, kholu a nga yafa nyimbitunu mihandro nya lithembwe laye yi tshala yi khangudwa gu hodzwa khu mumbe. 7Khu mani a tumbisidego nyamayi a si gu mu dzegigo? A na bwelele gaya gwaye, kholu a nga yafa nyimbitunu, mwangadzi waye a tshala a dzegwa khu mumbe.” 8Dzindruna dzi na engedza dzi ganela ga vathu, khidzo: “Khu mani a gu ni hwanga a pilegago hwambo? A na bwelele gaya gwaye, kholu hwanga waye wu nga vbedza tshivba vandriyaye.” 9Avbo dzindruna dzi na vbedzago gu ganela ga vathu, gu na hathwa vathangeli va na thangelago dzinyimbi va thanga mbeli nya vathu.
10Mwa gu vboha vbafuvbi ni lidhoropa mu vbwetago gu dwana ni vathu vakone, phelani khu gu lomba gurula navo. 11Va gu gu ninga phindrulo nya gurule va gu tulela malimba, vathu vatshavbo va na manegago dhoropani momo, va na bani vari dzikhumbi dzago, u va rwega mithumo nya gulemele. 12Aholu va gu bomba gira pwanano nya gurule nago, va gu dwanisa, uwe u na randrela lidhoropa lawe. 13Khavbo avbo, Pfhumu Nungungulu wago, a na va ningela mandzani gwago, u na mbembisa vama vatshavbo khu litshari. 14Aholu vanyamayi, sanana, sifuyo, ni satshavbo si na manegago dhoropani si na lumba uwe. U na hodza iso u na gu phangago ga valala vago, avo Pfhumu Nungungulu wago, a gu ningidego. 15U na gira kharato ga madhoropa yatshavbo ma guromo hwindzo ni uwe, madhoropa yale ma si lumbigo mifumo yeyi.
16Aholu madhoropa nya mayigo yaya u ningidwego khu Pfhumu Nungungulu wago, gasi ma khala thomba yago, u na sasela sivangwa satshavbo si dagatago nyamba tshiya ni gimwegyo nya guvbanye. 17U na songa vatshavbo havo bhi: Vahiti, Vaamori, Vakhanani, Vaferezi, Vahevhi ni Vajebhuzi, kha nga idzo u nga leletedwago khidzo khu Pfhumu Nungungulu wago, 18gasi va si mi hevbudzi mavbanyelo yawe nya guvivbe, yale avo va nga bani na va gu girela vanungungulu vawe, khu guralo, mu ghohela Pfhumu Nungungulu wanu.
19Mwa gu randrela lidhoropa nya gukari gikhati nya gulaphe, mu dwana nalo gasi gu li phanga li khala lanu, u nga remuleli misimbo yaye nya mihandro khu gu yi kokelela khu libhewula, kholu u na hodza mihandro yaye; ina misimbo nya likhabi valala vanu mu dwanago navo, gani? 20Aholu misimbo yile u yitigo gukhuwe mihandro yaye kha yi hodzwi, u ngu dzi kodza gu yi remulela, u yi kokelela; u gira misimbo nya gubhiye khiyo gasi gu dzi vhikela ga lidhoropa lile u dwanago nalo, kala mu li pfhungumula.
Currently Selected:
Dhewuteronome 20: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
